ВАҲДАТ-МАВЗӮИ СИТОДИ САЙЁР

Ҳафтаи пешин раиси ноҳия Миралӣ Раҷабзода дар деҳоти Мискинобод бо ҳузури роҳбарони ташкилоту муассисаҳо ва раисони ҷамоатҳо «Ситоди сайёр» гузаронд. Ситод масъалаҳои муҳими хоҷагидорӣ, минҷумла тезондани картошкашинонӣ, тайёрӣ ба ҷамъоварии алафу коҳ барои чорвои ҷамъиятию шахсӣ, риояи қонунҳои амалкунандаро мавриди муҳокима қарор дод. Раиси ноҳия ҳолати корҳоро аз масъулон пурсон шуда, диққати ҳозиринро ба таҷлили шукӯҳманди 21-солагии Ваҳдати миллӣ ҷалб намуд. Бояд ёдрас кард, ки солгарди ҷашни Ваҳдати имсол дар деҳоти Мискинобод барпо мегардад. Роҳбари ноҳия умедворӣ кард, ки ҷашн дар сатҳи даркорӣ мегузарад.

Ҷ.БАҲОРОВ.

РӮЗИ БАРОЯМ ХОТИРМОН

27 июни соли 1997 дар таърихи давлатдории навини тоҷикон бо азму иродаи миллати бостонии мо рӯйдоди фараҳбахшу хотирмоне ба вуҷуд омад. Дар ин рӯз созишномаи сулҳ ба имзо расид, ки аз ибтидои рӯзгори орому осоиштаи мардуми тоҷик дарак медод. Ин санаи муҳим боз аз он ҷиҳат барои ман азиз аст, ки дар ин рӯз, яъне 27 июни соли 1987 ду нафар – ман аз ноҳияи Фархор ва шавҳарам аз ноҳияи Дарвоз - бо ҳам оила барпо кардем. Ба ин хотир ҳамасола ин рӯзро интизорӣ мекашем, ки дар ҳалқаи фарзандон онро бо хурсандӣ ва рӯҳи болида ҷашн бигирем. Ин санаи тақдирсоз барои ман ва аҳли оилаам азизу муқаддас аст. Имрӯз ин Тоҷикистони пур аз офтобу пур аз сулҳ ва сафо дар ҳоли боз ҳам шукуфтану тарққиёт аст. Ба ин хотир мо ин хушбахтиву хушрӯзиамонро чун зар ба каф ва ин сарвати бебаҳоамонро, яъне ваҳдатамонро чун ҷон ба бар гирифта, ҳаргиз раҳо нахоҳем кард.

                   Моҳитобон ИСМАТОВА,

омӯзгори МТМУ №1.

ВАҲДАТ ПОЯИ СУЛҲ

Ваҳдати миллӣ барои миллати тоҷик ва кулли тоҷикзабонони сайёра таърихи басо хушу зиндагисозро ҳадя кард. Пеш аз ҳама ба ҷанги шаҳрвандии Ҷумҳурии Тоҷикистон нуқта гузошт. Албатта, ҳар оғозеро анҷоме дар пай аст. Ҳамаи ҷангҳо, чӣ хурду чӣ бузург, аз худ қатлу куштор ва хунрезӣ боқӣ мегузоранд. Аз ин нигоҳ ҳодисаҳои дохили кишвари мо низ истисно нест. Насли солҳои 90-уми асри гузаштаи мо ҳама ранҷу азоби ҷанги шаҳрвандиро диду дар кому ботини худ заҳрашро чашид. Садои фарёду фиғони кӯдакону модарон, дуди сиёҳи хонаҳои сӯхтаву валангор, ҷонсупорӣ дар талоши як пора нон ба фалак ҳамовоз мешуд. Ин ёдоварии талх бояд барои ҳар яки мо зангулаи садои бедорӣ бошад.

Подробнее...

МОДАРОН ТАШНАИ СУЛҲАНД

Таъкидҳои пайвастаи Асосгузори сулҳу ваҳдати миллӣ -Пешвои миллат Эмомалӣ Раҳмон дар хусуси бедории сиёсӣ, таҳкими пояҳои давлатдорӣ, содиқона дӯст доштани Ватан, ҳимояи истиқлолияти давлатӣ, гиромидошти муқаддасоти миллӣ ва амсоли он аз таҷрибаи талхи таърихи на онқадар дури кишвари азизамон ва вазъи ноороми як қатор кишварҳои ҷангзадаи дуру наздик маншаъ мегирад. Мутаассифона, ҳодисаҳои солҳои навадуми асри гузашта аз хотири баъзеҳо фаромӯш шудааст, ки бархе аз ҷавонони мо ба гурӯҳҳои ҷангҷӯ ва экстермистӣ пайваста, ҳаёти худро дар хатар гузошта,  обрӯю эътибори падару модар ва хешовандонро мерезонанд. Таҳлилҳо нишон медиҳад, ки ҷалби ҷавонони тоҷик ба гурӯҳҳои экстремистӣ вақтҳои охир дар ҳудуди Федератсияи Россия аз ҳисоби муҳоҷирони меҳнатӣ бештар сурат гирифта истодааст, ки боиси ташвиши аҳли ҷомеа аст. Ҷавонон аз ноогоҳӣ, сустиродагӣ пайрави гурӯҳҳои тундраву иртиҷоӣ мегарданд. Шояд аз тарбияи нокифоя, шояд аз беназоратии волидайн ё атрофиён. Далели аз як деҳаи Дурахшони Ҷамоати деҳоти Чашмасор наздики 41 нафар, ки 14 нафаршон занонанд, ба доми ифротгароён афтода, имрӯз бо занҳою кӯдакони хурдсоли худ ба давлати ҷангзадаи Сурия рафтаанд, моро меҳмони хонадони модари яке аз ин нафарон намуд.

Подробнее...

ВАТАНХОҲӢ БА ГУФТОР АСТ...? Ё ЧАРО РАФТОРУ ГУФТОРИ САРВАРОНУ ЯЪЗОЁНИ ТТЭ ҲНИТ ЯК НЕСТ!

Чӣ тавре аз шабакаҳои интернетӣ огоҳӣ дорем, амалҳои мудҳиши террористӣ дар тамоми гӯшаҳои ҷаҳон, алалхусус Осиёву Африқо ва Аврупову Амрико рух дода, қариб рӯзе нест, ки сокинони ин кишварҳо қурбони ҷиноятҳои террористӣ гарданд.

Террористон худро дар ҷомаи ислом дида, корҳоеро ба анҷом мерасонанд, ки дар ақли солим намеғунҷад. Аз амалҳои террористони исломӣ бар меояд, ки онҳо худӣ ва бегонаро аз ҳам ҷудо накарда, ҳазорҳо шахсиятҳои бегуноҳро ба коми марг мекашанд ва ҷиҳод ном гузошта саркардаҳои онҳо аз ин амалашон кайфият мебардоранд ва ин амали носавоби онҳоро Қуръони маҷид ва дигар ҳадисҳову китобҳои динӣ маҳкум мекунанд.

Подробнее...

ДАСТИ ХАЙРУ САХО ДАР АРАФАИ ИД

Саховатмандиву дасти ниёзмандонро гирифтан аз амалҳои ҳамидаи инсонӣ буда, мақому мартабаи касро дар ҷомеа боло бурда, маҳбубу қарини мардум мегардонад. Ин амали хайр дар сарчашмаҳои дини мубини Ислом ҳам зиёд дарҷ шудааст. Ва Худованд ҳам ба шахси хайркунанда ваъдаи офият аз шарру бадӣ ва биҳишти ҷовидонаро додааст.

Подробнее...

14 ИЮН БА ТАЪСИСЁБИИ НОҲИЯИ ФАЙЗОБОД 87 СОЛ ПУР ШУД- КИШВАРЕ АЗ ВАШГИРД ЁДГОР

 Ҳар кӣ аз ин мулк бо табъи равоне меравад,

Меҳри Файзобод дар дил бо ҷаҳоне меравад.

 Санаи 14 июни соли 1931 барои ноҳияи Файзобод ҳамчун рӯзи ҷудокунии марзи ҳудудӣ ва  шинохти маъмурӣ дар даврони шӯравӣ эътироф гардидааст. То ба ин рӯз, пас аз сарнагун шудани Аморати Бухоро ва ташкил гардидани Ҷумҳурии Шӯравии Халқии Бухоро, Файзобод яке аз туманҳои водии Ҳисор маҳсуб мешуд. Вақте Ҷумҳурии худмухтори Тоҷикистон (соли 1924) ва Ҷумҳурии Советии Сотсиалистии Тоҷикистон (соли 1929) ташкил ёфтанд, ҳудуди имрӯзаи Файзобод (ба ғайр аз ҷамоатҳои деҳоти Чашмасор, Қалъаидашт ва Мискинобод) дар тобеияти ноҳияи Янгибозор, шаҳри Ваҳдати ҳозира қарор дошт. Мустақилияти ноҳияи Файзободро Кумитаи Иҷроияи Марказии РСС Тоҷикистон бо қарори № 32 аз 14 июни соли 1931 қонунӣ гардонд.   Ба тобеияти ноҳияи Файзобод нуҳ ҷамоат дохил мешуд: Файзобод, Гумбулоқ, Хоҷамард, Дубеда, Диишо, Шолипая, Норак, Чакалӣ, Меҳрозӣ, ва қисми деҳаҳои ҷамоати Яккабед (аз рӯи салоҳдиди кумитаҳои иҷроияҳои Файзободу Янгибозор). Маркази ноҳияи Файзобод деҳаи Дарагиён муқарар карда шуда буд.

Подробнее...

БЕМОРИИ БРУТСЕЛЛЁЗ ЧИСТ?

Солҳои охир, хусусан дар ҳудуи як қатор ҷамотҳои ноҳия бемории сироятии буғумдард (брутселлёз) хурӯҷ кардааст. Аз сабаби риоя накардани ҳолати беҳдоштӣ шумораи гирифторони бемории буғумдард зиёд шудааст, ки, албатта, ин ташвишовар ва боиси хароҷоти зиёди беморон шудааст.

Подробнее...