Вт10232018

Last updateПн, 22 Окт 2018 9am

Матолиби тоза :
YJ Title Ticker - модуль joomla Joomla

МАОРИФ

МАОРИФ ОМИЛИ ТАҲКИМИ ДАВЛАТ ВА НАҶОТИ МИЛЛАТ АСТ

Дар  Паёми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  (22 декабри соли 2016)   омадааст: «Ҷиҳати таъмин намудани муассисаҳои таълимӣ бо муаллимони баландихтисос чораҷӯӣ карда, доир ба ҳалли масъалаи норасоии омӯзгорон, махсусан, аз фанҳои дақиқ ва забонҳои хориҷӣ, инчунин, бо кадрҳои дорои таҳсилоти олии касбӣ таъмин намудани мактаб¬ҳои деҳот, ки ин нишондиҳанда то имрӯз 70 фоизро ташкил медиҳад, тадбирҳои зарурӣ андешида, то соли 2019 масъалаи норасоии кадрҳои омӯзгорӣ дар мамлакат пурра бартараф карда шавад».

Подробнее...

ДАР НАВОБОД МАКТАБ МЕСОЗАНД

ДАР НАВОБОД МАКТАБ МЕСОЗАНДНавобод яке аз маҳаллаҳои ояндадори Ҷамоати деҳоти Ҷавонон  ба шумор меравад. Маҳз ба туфайли соҳибистиқлолии кишвар  деҳаи мазкурро  ояндаи дурахшон насиб гашт. Деҳа аз маҳаллаҳоест, ки дар ҳар кунҷаш сохтмони манзилҳои истиқоматӣ   идома дорад.  То солҳои наздик  дар деҳа  85 оила истиқомат дошт.  Баъди ҷудо намудани  10 гектар замин, ки ба зиёда аз 200 нафар эҳтиёҷмандон тақсим гардид,шумораи оилаҳо дар  Навобод ба 300 нафар расид. Бо назардошти афзудани шумораи сокинон аҳли деҳ  бунёди мактаби навро ният карданд. Зеро мактаби асосии деҳа, ки фаъолият дорад, оянда талаботи  сокинонашро қонеъ намегардонад. Ин иқдомро кулли сокинони деҳа дастгирӣ карданд.

Подробнее...

НИҲОЛПАРВАРӢ ВА УСУЛҲОИ ОН

НАВНИҲОЛИ ХУШСИФАТ - АСОСИ БОҒПАРВАРӢ

Боғдорӣ яке аз соҳаҳои кишоварзӣ ба ҳисоб рафта, он ба соҳаи даромаднок ва самарабахш дар  ҷомеаи имрӯза табдил ёфтааст ва барои баланд бардоштани сатҳи зиндагии мардум мавқеи хос дорад.

Рушди ин соҳаро бе ривоҷи соҳаи  ниҳолпарварӣ тасаввур кардан ғайриимкон аст, чунки солимӣ, дарозумрӣ маҳсулонокӣ   ва аз ҷиҳати иқтисодӣ самаранокии боғи оянда аз сифати навниҳолҳо вобастагии калон дорад.

Подробнее...

РӮЗИ ДОНИШ БО ДАРСИ СУЛҲ ОҒОЗ ЁФТ

Дирӯз дар саросари таълимгоҳҳои мамлакат соли нави хониш оғоз ёфт. Садҳо ҳазор  толибилмонро дабистонҳои кишвар ба оғӯши гарми худ пазируфт. Чун ҳамасола  якуми сентябр аз дарси сулҳ оғоз гардид. Зеро Сулҳи пойдору устувор, Сулҳе, ки боиси оромию ваҳдату дӯстӣ, ҳамдигарфаҳмӣ, ҳамдилӣ ва шукуфоии кишвари азизамон гардидааст, барои ҳар як фарди Тоҷикистон азиз аст.

Подробнее...

ХАСТА НАБОШАД ШАРИФ ИБРОҲИМОВ

Агар гӯем, ки мушкилтарин касб муаллимӣ, ҳалолтарин луқма луқмаи муаллим, пайдо шавад касе, ки ин гуфтаро инкор кунад, таълимнагирифтааш мехонем.

Муссалам аст, ки омӯзгори аввалин падару модар аст. Вале вақте кас пой  ба остонаи мактаб мениҳад, масъулияти падару модар аз ин бобат сабуктар мегардад. Падару модарон бештар ба омӯзгор  такя мекунанд. Ҳамон омӯзгоре ба боварию эҳтироми падару модар сазовор мешавад, ки дар таълиму тарбия донишу маҳораташро софдилона сарф намояд, барои такмили касби худ заҳмат кашад, худро омӯзгори воқеӣ ҳисобад, аз вазнинии бори масъулияти касбӣ натарсад.

Подробнее...

МАШВАРАТИ АВГУСТИИ ОМӮЗГОРОН ДОИР ШУД

Соҳаи маориф чун дигар соҳаҳои хоҷагии халқи кишвар зери роҳбарӣ ва ғамхориҳои  ҳамаҷонибаи Асосгузори сулҳу ваҳдати миллӣ- Пешвои миллат, Президенти мамлакат Эмомалӣ Раҳмон рӯ ба инкишоф оварда, дар мавриди таълиму тарбия ва ба воя расонидани  наслҳои шоиста ва кадрҳои даврони  муосир қадамҳои устувор мегузорад. Зеро рушди маориф рушди ҷомеа аст. 

Подробнее...

РИСОЛАЕ ДАР ЭҲТИРОМИ ҚАЛАМ

Мардуми Файзобод, хосса онҳое, ки бо фарҳангу маънавиёт, - қабл аз ҳама омӯзгорон дар назар аст, - сару кору мегиранд, бояд ифтихор  кунанд, ки дар олами маънию эҷод, илму фанни кишвар фарзандони диёр, дастпарварони муассисаҳои таълимии маҳал бо афкори тозаи хеш мавқею мақом доранд: соҳиби унвонҳои илмию ифтихории доктору профессор буда, асарҳои пурарзиш таълиф намудаанд, бар замми ин шогирдони бешумор доранд. Чанд нафар, аз ҷумла Зиёзода Таваралӣ, Урватулло Тоиров, Раҳмон Пиров барои мактабҳои олӣ ва миёнаи ҷумҳурӣ китобҳои дарсӣ таълиф намудаанд. Сироҷиддин Раҷабов, Муродалӣ Сангов, Иззатулло Маҳмудов барои дастовардҳо дар соҳаи илмҳои дақиқ - аввалӣ дар риштаи кимиё, дувумӣ дар риштаи илмҳои техникӣ, савумӣ дар бахши ҳуқуқ – ба Ҷоизаи Исмоили Сомонӣ мушарраф гардиданд.

Подробнее...

МАХЗАНИ СОҲИБИСТЕЪДОДҲО

Ҳукумати Ҷумҳурии Тоҷикистон соли 2014  Барномаи давлатии дарёфт ва рушди истеъдодҳо барои солҳои 2015-2020-ро қабул кард.

Пас аз як моҳ дар заминаи ин қарор фармоиши Вазорати маориф ва илми ҷумҳурӣ баҳри амалигардонӣ ба тасвиб расид. Вобаста ба ин барномаи давлатӣ дар ноҳия аз моҳи феврали соли 2015 Маркази дарёфт ва рушди истеъдодҳо таъсис дода шудааст, ки роҳбариашро Саймиддин Шарофов ба уҳда дорад. Дар марказ ба хоҳишмандон ва хонандагони соҳибистеъдод аз фанҳои забони англисӣ, математика, физика ва химия машғулиятҳо аз ҷониби омӯзгорони соҳибтаҷриба гузаронида мешавад. Инчунин бо ташаббуси масъулини маркази зикршуда дар назди муассисаҳои таҳсилоти миёнаи умумии рақамҳои 2 ва 11 аз фани химия бо ҷалби муаллимон Р.Сангинов ва А. Довудов барои хонандагони болаёқат гурӯҳҳо ташкил шудааст.

Подробнее...

УСТОДИ СУХАНШИНОС

Дар ҷомеа, махсусан дар кори пуршарафи омӯзгорӣ меҳнат намудану миёни шогирдон ва аҳли ҷамеа обрӯю эътибори калон пайдо кардан ба ҳар кас муяссар намешавад. Ин кор дониш, рағбату дилбастагӣ ба касб, серталабӣ нисбат ба худ, хушмуомилагӣ, хоксорию пухтакорӣ доштанро талаб мекунад. Омӯзгори хирадманд ва оқилу доно офтоби зиндагиро мемонад, офтобе, ки бо нуру зиёи хеш олами хуфтаро равшан месозад ва ба кулли мавҷудот қувват, тавоноӣ, файзу баракатро ато мекунад.  Ҳамаи ин хислатҳои наҷиби инсониро дар шахсияти инсони закию нуқтасанҷ, омӯзгори соҳибтаҷрибаи муассисаи таҳсилоти миёнаи умумии рақами 11 ва устоди Маркази хонандагони болаёқати ноҳия   Пирмаҳмад Холов, ки қариб 40 соли ҳаёти пурсамари худро сарфи таълиму тарбияи насли наврас намудааст, нисбат додан арзанда аст. П.Холов хатмкардаи факултети филологияи тоҷики Университети давлатии Тоҷикистон (ҳозира ДМТ) мебошад. Сабақи устодони нотакрору донишмандони тоҷик – Соҳиб Табаров, Шарифҷон Ҳусейнзода, Додоҷон Тоҷиев, Воҳиҷон Асрорӣ ва дигаронро гирифтаю дар мазраи қалбаш тухми ин сабақҳоро коштааст.

Подробнее...

Подкатегории