Вт11132018

Last updateЧт, 08 Нояб 2018 3pm

Матолиби тоза :
YJ Title Ticker - модуль joomla Joomla

МАОРИФ

ШОИСТАИ НОМИ УСТОДИСТ АБДУКАРИМ МИРҶОНОВ

ШОИСТАИ НОМИ УСТОДИСТ АБДУКАРИМ МИРҶОНОВДастрасии китоби тозанашри “Таълими география ва истифодаи тест дар синфи 9” боиси суҳбати мо бо муаллифи китоб, устоди донишманду хирадманд Абдукарим Мирҷонов гардид. Муаллимро чун беҳтарин омӯзгори диёр, инсони некусиришту покниҳод мешинохтам, лек дар суҳбати рӯ ба рӯ ӯро чун устоди саропо маърифату гуфтору рафтораш пандомез дарёфтам. Воқеан, ин китоби методӣ бо тавсияи Вазорати маориф ва илми Ҷумҳурии Тоҷикистон ва Маркази ҷумҳуриявии таълимию методӣ ба нашр расидааст.

Подробнее...

ТЕРРОРИЗМ – ЗУҲУРОТИ НОМАТЛУБ, ХАТАРЗО ВА ДАҲШАТНОК

Нерӯи аз ҳама пуриқтидор ва пешбарандаи ҷомеа ҷавонони содиқ ба Ватан ва арзишҳои олии инсонӣ дар ҳамаи давру замон маҳсуб меёбанд.    Маҳз ҷавонони ояндасоз метавонанд Тоҷикистони азизамонро боз ҳам ободу зебо  ва машҳури олам гардонанд.  Сарвари кишварамон,   муҳтарам Эмомалӣ Раҳмон  ҷавононро пайваста дастгирӣ намуда, бо ифтихор чунин баҳогузорӣ кардаанд:  «Ҷавонон ояндаи миллату давлатанд».   Мо низ ба қувва  ва неруи созанда ва бунёдкоронаи ҷавонон-созандагону ободкорони Ватан боварӣ ва эътимод дорем. Дар пешрафти ҳамаи соҳаҳои хоҷагии халқи ноҳия нақши дастони пурэъҷози ҷавонон намоёну назаррас аст.

Подробнее...

ТУ БУЗУРГӢ, МУАЛЛИМ!

Пешгуфторе барои  дақиқаҳои дарси аввал

Муаллим, ончунон туро васф кардаанд ва он қадар дар партави андешаҳои бузургон дигарон гуфтаанд, ки чанд сатри пареши ман назди он ҳама як чизи беҳудае бас нест. Аммо наметавонам, ки  дар ин рӯзҳое, ки  як  ташвиши ту аз ҳазорҳо ташвишу тарадуди мо зиёда аст, хомўш монам.  Гумонам ҳоло он қадар хастагии соли хониши аз вуҷудат дур нарафта, ки боз соли нави хониш  дари лонаатро куфт ва боз ана ҳамон ташвишаки зиндагӣ , ки бароят қабза-қабза шодию хушҳолӣ меорад, туро бо сару рӯи озода ба мактаб, назди шогирдонат меорад.

Подробнее...

КИТОБХОНА ВА НАҚШИ ОН ДАР ТАРБИЯИ МАЪНАВИИ ХОНАНДАГОН

Бе китоб, эй дўстон, бунёди мо норавшан аст,
Тираву торик ҳамчун хонаи беравзан аст.
                                                                                    Абулқосим Фирдавсӣ

Бештар аз панҷ сол аст, ки ба ҳайси мудири китобхона дар литсейи касбии техникии ноҳия фаъолият дорам. Таҷрибаи тӯли ин солҳо андӯхтаам дар ҷодаи китобу китобдорӣ, муносибат ба китобу китобхонӣ, ҷалби хонандагону кормандони муассисаи таълимӣ ба ин боргоҳи маърифат имкон медиҳад, ки роҷеъ ба нозукиҳои ин соҳаи мубраму муҳим ибрози назар созам.

Подробнее...

ДАСТОВАРДҲОИ АҲЛИ МАОРИФ ЧАШМРАС АСТ

Шӯъбаи маорифи ноҳия барои татбиқи сиёсати давлатӣ дар соҳаи маориф дар соли хониши 2013 – 2014 фаъолияти худро дар асоси қонунҳои Ҷумҳурии Тоҷикистон, дастуру супоришҳои Президенти кишвар, Вазорати маориф ва илм, мақомоти иҷроияи ҳокимияти давлатии ноҳия ва дигар санадҳои меъёрии ҳуқуқии соҳаи маориф ба роҳ монда, бо пуштибонӣ аз сиёсати хирадмандона ва маорифпарваронаи роҳбарияти сиёсии давлат тамоми имконот ва нерӯи худро дар роҳи таъмини сифати таҳсилот, баланд бардоштани сатҳи дониш ва таълиму тарбияи насли навраси кишвар дар рӯҳияи ватандӯстӣ, созандагӣ ва арҷгузорӣ бо арзишҳои милливу умумибашарӣ, сарф намуданд.

Подробнее...

СОҲИБҲУНАРЕ, КИ БОТАМИЗ АСТ

(ЧАНД ВАРАҚ АЗ КОРУ РӮЗГОРИ ДИРЕКТОРИ МАКТАБИ РАҚАМИ 20 А.САЙРИДДИНОВ, КИ СОБИҚАИ 38 СОЛАИ ОМӮЗГОРӢ ДОРАД)

ОҒОЗ
Деҳаи Ҷонварсӯз яке аз деҳаҳои калони Файзобод ба ҳисоб рафтаву дар даромадгоҳи  ноҳия ҷойгир аст. Он на танҳо бо табиати дилкашу зебои худ, ҳамчунин бо фарзандони номбардораш аз дигар деҳкадаҳо фарқ мекунад. Насли калонсоли Ҷонварсӯз, аввалин бунёдгузорони сохти нав дар Файзобод будаву солиёни зиёд дар соҳаҳои гуногуни ноҳия заҳмат кашидаанд ва барҳақ имрӯз ба некӣ ёдашон мекунанд.
Маҳз таъсири онҳо буд, ки ашхоси маълумоти олидор аз ин деҳа бениҳоят зиёд асту ҳамаҷо софдилона машғули меҳнатанд.

Подробнее...

ОМОДАГӢ БА СОЛИ ХОНИШ

Омӯзгорон ва хонандагони муассисаи таълимии рақамҳои 19 ва 23 баъди анҷоми соли хониш ба таъмири мактаб сар карда буданд. Чун солҳои пешин дар таъмири синфхонаҳо, рангу бор ва таъмини мизу курсиҳо падару модарон, раисони маҳалла ва омӯзгорон саҳмгузорӣ карданд. Ва инак  ба    соли хониши   нав мактабҳои зикр шуд, омода гардидаанд.  Ҳамчунин дар назди мактабҳо ба қадри лозимӣ ангишту ҳезум захира карда шуд.

Подробнее...

Подкатегории