Пн10222018

Last updateПн, 22 Окт 2018 9am

Матолиби тоза :
YJ Title Ticker - модуль joomla Joomla
Пред След Саҳифа:

САҲИФАИ АСОСӢ

ХУШ ОМАДӢ, СОЛИ УМЕДУ ОРЗУҲОИ НАВИН

 

Соли 2017 ба  саҳифаҳои таърихи рӯзгори ҳар кадоми мо  ҷо гирифт. Хуб буд ва  ё бад, акнун танҳо дар ёдҳо боқӣ мемонад.  Ҳамчун нақше дар санг, ки наметавон онро  коркард намуд  ва ё аз нав сохт. Барор дошт ва  ё каму костие ҳамаро бо худ бурд, соли рафта.

Воқеан ҳам, ин сол  барои  мардуми сарбаланди  Тоҷикистони азизи мо  саҳифаҳоеро во кард,  бо домони хеле  пур аз дастовардҳои хотирмон.   Агар бигӯем, ки  соли рафтаи 2017, солест  бо рӯйдодҳои фаромӯшнашавандаи  сиёсиву иқтисодӣ ва фарҳангӣ,  хато нахоҳем кард. Зеро ҳамаи ин рӯйдодҳо  дар таърихи мамлакат  ва  рӯзгори ҳар кадоми мо нақши рӯшане ҳаккокӣ кард.

Дар ин сол ба таърихи  Ваҳдати мо, ки ба даргириҳои дохиливу ҷанги бародаркуш хотима  гузошт, бист сол сипарӣ шуд. Бо гузашти бист сол Тоҷикистон аз як кишвари ҷангзада ба давлати қудратманду тавоно, сулҳофару ташаббусҳои навин табдил ёфт. Маҳз нангу номуси ватандорӣ, ақлу заковати азалии миллати  тоҷик  ва фарзанди  сарсупурдаи он, Асосгузори сулҳу ваҳдати миллӣ-Пешвои миллат, Президенти мамлакат Эмомалӣ Раҳмон имкон дод, ки тарафҳо паси як миз  ҷамъ омадаву тақдири хешро бо дасти  худ навишта намоянд.  Ва маҳз ана ҳамин  таҷрибаи  сулҳофарии давлати тоҷикон барои дигар давлатҳои дар чунин ҳол қарор дошта,намуна эътироф гардидааст. Ҳамин буд, ки  ин санаи тақдирсозро  дар шаҳри ҳамномаш Ваҳдат бо шукӯҳу шаҳомат фаромӯшношуданӣ ҷашн гирифтанд. Он рӯз ҳама сухан аз якпорчагию ваҳдати сартосарӣ мекард.

Соли 2017  корҳои ободонию созандагӣ дар ҳама кунҷу канори Тоҷикистони биҳиштосо ба авҷи аъло расид.  Садҳо коргоҳу иншооти иҷтимоӣ ва иқтисодӣ бунёд шуданд. Муҳимтарин  рӯйдоди ин сол наздик шудан ба яке аз ҳадафҳои Ҳукумати мамлакат, яъне истиқлолияти энергетикӣ ба шумор меравад.

Асосгузори сулҳу ваҳдати миллӣ-Пешвои миллат, Президенти мамлакат Эмомалӣ Раҳмон зимни ироаи  Паёми навбатии худ рӯзи 22 декабри соли 2017 дар ин хусус баён доштанд, ки «Бо роҳандозӣ гардидани тадбирҳои Ҳукумати мамлакат дар ин самт мо тавонистем, ки аввалин бор дар замони соҳибистиқлолӣ дар давраи тирамоҳу зимистон аҳолии кишвар ва соҳаҳои иҷтимоиву иқтисодиро бо нерӯи барқ бе маҳдудият таъмин намоем».

Соли 2017 барои сокинони диёри файзхезу файзрези мо ҳам нақши  хотирмоне боқӣ гузошт. Бо роҳбарии узви Маҷлиси миллии Маҷлиси Олии кишвар, шахси  дорои маънавиёти баланд  Раҷабзода Миралӣ корҳои бунёдкориву ободонӣ вусъат гирифта, маркази ноҳия ва марказҳои ҷамоатҳои деҳот симои худро ба куллӣ таъғир доданд.  Аз нав мумфарш намудани роҳҳои маркази ноҳия, равшан гардондани  марказҳои ҷамоатҳои деҳот гувоҳи ҳамин амалҳои созандагист. Ҳамаи ин  ташаббусҳои   созанда давоми соли 2017 саҳифаҳои «Набзи Файзобод»-ро  рангин сохтанд.

Ҳамаи навгониҳои дар ҷумҳурӣ ва ноҳия рӯи кор омадаро тавассути  саҳифаҳои нашрия ва торномаи интернетии худ барои  хонандагонамон чӣ дар дохил ва чӣ дар хориҷи кишвар инъикос кардем.  Воқеан ҳам шумораи хонандагони саҳифаи интернетии «Набзи Файзобод» дар соли 2017 ба ним миллион расид! Ин шумора  барои  як нашрияи музофотӣ  рақами андак нест! 

Инак, дар соли нави 2018 гомҳои нахустини худро мегузорем ва  дар ин сол пешорӯи мо  воқеаву рӯйдодҳои зиёде қарор хоҳанд гирифт. Пеш аз ҳама омодагиҳо барои мавриди истифода қарор гирифтани  агрегати аввалини  НБО-и  Роғун, ки моҳи декабри соли 2018  бояд мавриди истифода қарор бигирад. Ин рӯйдодест барои Ватану миллат хотирмон. Ба хотири ин рӯйдоди муҳими аср мо, файзободиҳо бояд ҳамаҷониба омодагӣ дошта бошем. Ноҳияро ба як гӯшаи зебову  дидании кишвар табдил диҳем. Зеро шоҳроҳи Душанбе- Роғун ба масофаи  50 километр аз оғоз то анҷоми ноҳияи моро убур мекунад. Ҳазорон меҳмонону сайёҳоне, ки азми сафари Роғун мекунанд, аз ҳудуди ноҳияи мо мегузаранд. Аз ин хотир мароми   ҳар яки мо бо ғайрати дучанд меҳнат намудану  Файзободро ба гулистони ҳақиқӣ мубаддал сохтан бояд бошад.

Боварӣ бар он дорем,ки зери роҳнамоии Пешвои миллат Эмомалӣ Раҳмон  соли 2018 соли дигаргунӣ, пешрафту  шукуфоӣ ва бунёдкорӣ дар ҳаёти сокинони Тоҷикистони азиз ва диёри мо хоҳад буд.

Аз ин рӯ омади соли нави мелодии 2018-ро барои ҳамдиёрон муборак мегӯем!

ТАБРИКОТИРАИСИ НОҲИЯ, УЗВИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН РАҶАБЗОДА МИРАЛӢ БАХШИДА БА ТАҶЛИЛИ РӮЗИ ПАРЧАМИ ДАВЛАТИИ ҶУМҲУРИИ ТОҶИКИСТОН

Ҳамдиёрони азиз!

Бисту панҷ сол қабл 24-уми ноябри соли 1992 дар Иҷлосияи шонздаҳуми Шӯрои Олии Ҷумҳурии Тоҷикистон дар баробари ҳалли муҳимтарин масъалаҳои ҳаёти кишвари ҳамон лаҳзаҳо зери хатар қарордоштаамон Парчами давлатии Ҷумҳурии Тоҷикистон тасдиқ карда шуд. Бо тасдиқи Парчами давлатӣ метавон гуфт, ки он рӯз эҳёи давлати миллии тоҷикон оғоз ёфт ва имрӯз бо гузашти солҳо таърих собит намуд, ки ин иҷлосияи тақдирсоз бо интихоби Сарвари давлат ва тасдиқи рамзҳои миллӣ марҳилаи нави таърихи давлатдории тоҷиконро ибтидо гузошта, барои рушди минбаъдаи кишвар шароит фароҳам овард.

19 ноябри соли 2009 бо ташаббуси қонунгузории Президенти Ҷумҳурии Тоҷикистон, Пешвои миллат, Ҷаноби Олӣ муҳтарам Эмомалӣ Раҳмон Маҷлиси намояндагони Маҷлиси Олии мамлакат ба Қонуни Ҷумҳурии Тоҷикистон «Дар бораи рӯзҳои ид» тағйирот ворид намуда, 24 ноябрро Рӯзи Парчами давлатии Ҷумҳурии Тоҷикистон эълон намуд ва ҳамон сол 24 ноябр бори аввал дар саросари кишвар ҷашни «Рӯзи Парчами давлатии Ҷумҳурии Тоҷикистон» бо шукӯҳу шаҳомати хосса таҷлил гардид. Инак соли нуҳум аст, ки ин ҷашни бошукӯҳ дар саросари мамлакат бо рӯҳияи баланди ватандӯстӣ таҷлил карда мешавад.

Бояд гуфт, ки ойини парчамдории миллати сарбаланду куҳанбунёди тоҷик таърихи хеле қадим дорад. Гузаштагони арҷманди мо дар тӯли ҳазорсолаҳо зери парчами худ саф кашида, тамомияти арзӣ, ҳуввияти миллӣ, ваҳдату ягонагӣ, нангу номус ва забону фарҳанги хешро ҳифз кардаанд. Аз ин ҷост, ки эҳтирому гиромӣ доштани Парчами миллӣ қарнҳост, ки дар миёни мардум муқаддасоти волои миллӣ пазируфта шудааст. Чӣ тавре Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд менамоянд, Парчами давлатӣ барои ҳар халқу миллат, аз ҷумла барои мо –тоҷикон муқаддас аст.

Хамчун рамзи давлатдорӣ, муқаддасоти миллӣ эътироф гардидани Парчами давлатӣ маънии самимона дӯст доштани ин Ватан, ҳар як ваҷаб хоки он, миллату расму оини миллиро дошта, ҳар як фарди худогоҳро ба арҷ гузоштан ба муқаддасоти миллиамон водор менамояд. Парчам ифодаи нангу номи ҳар як шаҳрванд, баёнгари истиқлолият, ифодаи иззату икроми миллат, таҷассумгари ормонҳои миллӣ, инъикоскунандаи фарҳангу тамаддун, далели азму иродаи устувори мардуми кишвар мебошад.

Боиси ифтихор ва шарафи бузург аст, ки имрӯз Парчами давлатии Тоҷикистон дар қатори парчами бузургтарин давлатҳои олам дар бинои Созмони Милали Муттаҳид парафшонӣ мекунад. Он ба шарафи сафарҳои расмии ҳайатҳои давлатӣ, ғолибияти фарзандони бонангу ори Ватан дар мусобиқаҳои варзишӣ, озмуну чорабиниҳо ва дигар ҳамоишу маъракаҳои ҷаҳонӣ дар тамоми кишварҳои дунё баланд бардошта мешавад. Халқи шарафманди Тоҷикистон зери ин Парчами муқаддас муттаҳид гардида, баҳри ободию шукуфоии Ватани азизамон ҷахду талош меварзад.

Имрӯз сокинони диёри файзрези мо низ чун тамоми мардуми кишвари азизамон бо ифтихор аз истиқлолу озодӣ зери Парчами давлатӣ дар ободии диёр саҳм мегиранд, баҳри боз ҳам ободу зебо гардидани Тоҷикистони азиз ҷаҳду талош меварзанд, Парчами давлатии Тоҷикистонро дар саросари мулк парафшон менамоянд ва ба он ҳамчун рамзи давлати озоду соҳибистиқлоли хеш, муқаддасоти миллӣ арҷгузорӣ мекунанд.

Ҳамдиёрони азиз!

Бори дигар кулли сокинони ноҳияро ба Рӯзи Парчами давлатии Ҷумҳурии Тоҷикистон самимона табрику муборакбод намуда, ба ҳар яки онҳо саодату сарбаландӣ, рӯзгори хушу осуда ва барору комёбиҳо таманно менамоям.

Парчамат ҷовидона парафшон бод, Тоҷикистони азиз!

МЕҲРГОН - ҶАШНИ КИШОВАРЗОН

Даврони соҳибистиқлолӣ барои эҳёи расму оинҳои миллӣ, аз ҷумла Меҳргон дар Тоҷикистони азизамон  марҳилаи тозае оғоз намуд. Бо Қарори Ҳукумати Ҷумҳурии Тоҷикистон аз 5 августи соли 2009 иди Меҳргон дар кишварамон ҳамчун иди миллӣ эълон гардида, боиси ифтихори мардуми тоҷик гардид. Меҳргон ин иди ҷамъоварии ҳосили рӯёнидаи деҳқон, иди фаровонӣ, шодию нишот, дӯстию рафоқат, ваҳдату ягонагӣ ва меҳру садоқат ба ҳисоб меравад. Меҳргон ҷашнест, ки покизагию фаровонҳосилӣ, ризқу рӯзии мардум, хони пурнозу неъмат, қаноатмандию нишотро бо худ ҳамроҳ меоварад ва таҷлили пуршукӯҳи он башорати рӯзгори босаодати ҳар яки мост. Воқеан ҳам чӣ тавре Ассосгузори сулҳу ваҳдати миллӣ-Пешвои миллат, Президенти мамлакат  Эмомалӣ Раҳмон таъкид доштанд: «Меҳргон дар радифи пуршукӯҳтарин ҷашнвораҳои аҷдодии мардуми форсизабон қарор дошта, аз замони дуродури таърих маншаъ мегирад. Меҳргон рамзи тирамоҳи зарнисор ва айёми ҷамъоварии ҳосили бо арақи ҷабин коштаи марди деҳқон мебошад».

Ҳамин аст, ки  бо омади фасли тирамоҳ ва анҷоми   ҷамъоварии ҳосили расонидаи худ марди деҳқон  ба таҷлили ҷашни Меҳргон мепардозад. Ва имрӯзҳо  дар ҳар кунҷу канори  сарзамини  куҳанбунёди  Тоҷикистони азизамон ин ҷашни  мардумӣ  бо шукӯҳу шаҳомати хосса таҷлил мегардад.

Зеро ҷашни Меҳргон яке аз идҳои бузурги суннатии кишоварзии аҷдодонамон ба шумор рафта, дар радифи пуршукӯҳтарин ҷашнҳои аҷдодии мардуми форсизабон қарор дорад, ки   дар  таърих сарчашмаҳои қадима дорад ва Меҳргон баробари  Садаю Наврӯз дар силсилаи идҳои марбут ба тамаддуни кишоварзии аҷдодонамон аз ҳалқаҳоест, ки онро кишоварзон дар ҷамъбасти ҷамъоварии ҳосил  таҷлил мекарданд.

Дар ноҳияи мо ҳам, ки аслан ноҳияи кишоварзист ҷашни Меҳргон бо шукӯҳу шаҳомати  хосса дар боғи фарҳангу фароғатии “40-солагии Ғалаба”-и маркази ноҳия  таҷлил гардид. 

Кишоварзон ба маърази тамошо дастовардҳои беҳтарини хешро гузошта буданд.

Муовини аввали раиси ноҳия Достзода Мансур Тағой сокинони ноҳияро бо фарорасии ҷашни дастранҷи деҳқон табрик намуда, таъкид дошт, ки кишоварзони ноҳия  барои дар рӯҳияи баланди идона таҷлил намудани  ҷашни Меҳргон  бо тамоми ҳастӣ кору пайкор намуданд ва боварӣ бахшид, ки деҳқонони  файзободӣ  ҳам  баҳри ободии ватан, пешрафти Тоҷикистони азиз пурмаҳсул меҳнат менамоянд, то дастранҷи онҳо  берун аз ноҳия ҳам чун солҳои Шӯравӣ  шинохта бошад.

Ҳамчунин Достзода Мансур Тағой ба як гурӯҳ кишоварзони муваффақи ноҳия аз номи Мақомоти иҷроияи ҳокимияти давлатии ноҳия ифтихорнома ва туҳфаҳо тақдим кард.

Сипас  санъаткорони ноҳия пешкаши ҳозирин дастагули суруду таронаҳои  идонаро  манзур гардониданд, ки он  хеле диданӣ ва хотирмон буд. 

Таҷлили ҷашни Меҳргон дар ноҳия  бозгӯи  рӯзгори хушу арҷгузорӣ ба суннатҳои ниёгонамон аз ҷониби мардуми ин диёри сарбаланд буд.

ТАБРИКОТИ РАИСИ НОҲИЯ, УЗВИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН РАҶАБЗОДА МИРАЛӢ БА МУНОСИБАТИ ИДИ КАСБИИ ОМӮЗГОРОН

Омӯзгорони меҳрубон! 

Имрӯзҳо дар саросари кишвари азизамон - Тоҷикистони ободу озоду соҳибистиқлол  Иди касбии омӯзгорон - «Рӯзи муаллимон» бо шукӯҳу эҳтироми шоиста  таҷлил мегардад. Пешаи омӯзгорӣ воқеан ҳам муқаддастарин касби рӯи олам аст. Рисолати омӯзгорӣ мубориза бар зулмоту ҷоҳиливу нодонӣ, равшан намудани қалбҳо, ташаккули ақлонӣ, зеҳнӣ  ва парвариши инсон аст.

Мавлоно Ҷомӣ  фармудааст:

Агар дар ҷаҳон набвад омӯзгор,

Шавад тира аз бехирад рӯзгор.

Боиси хушнудӣ ва сарфарозист, ки дар ҷомеаи мо омӯзгор мақому мартабаи баланд дорад ва бархӯрдор аз эҳтирому арҷгузории аҳли ҷомеа аст. Вақте ки мо омӯзгор  мегӯем, пеши назарамон инсони шоиста, ғамхору дилсӯз ва мушфиқу меҳрубон ҷилвагар  мешавад, ки бе таълиму тарбия, бе мактабу маориф, бе шогирдон ҳаёташро тасаввур карда наметавонад. Муаллим дар ҳаёти ҳар кадоми мо нақши муҳиме  гузоштааст ва саргузашти мо бе номи ӯ, бе фаъолияти ӯ, бе маслиҳату насиҳатҳои падаронаи ӯ тасаввур намешавад. Беҳуда нагуфтаанд, ки « Он ҷо, ки зиё аст, дар он нури Худо аст». Аз ин рӯ, мо ҳама  бо устодони худ ифтихор мекунем

Боиси фараҳмандист, ки бо ба даст овардани Истиқлолияти давлатӣ муносибати давлату Ҳукумати кишвар ба соҳаи маориф боз ҳам беҳтар гардида, рушди ин соҳаи тақдирсоз ба яке аз рукнҳои муҳимтарини сиёсати давлатӣ табдил ёфт. Имрӯз ҳадафи аз ҳама муҳими сиёсати иҷтимоии давлату Ҳукумати кишвар рушди ҳамаҷонибаи соҳаи маориф мебошад. Асосгузори сулҳу ваҳдати миллӣ-Пешвои миллат,  Президенти Ҷумҳурии Тоҷикистон  муҳтарам Эмомалӣ Раҳмон ба фаъолияту пешаи  омӯзгорон  баҳои баланд дода,  аз ҷумла менигорад: «Маҳз   муаллим аст, ки  доимо меомӯзад ва он чӣ андӯхтааст, ба дигарон таълим медиҳад. Миллате, ки омӯзгори асил надорад, ҳеҷ гоҳ ба ягон мартаба намерасад.  Ифтихор ва сари баланди мост, ки тоҷикон аз қадим соҳиби китобу қалам, илму маърифат ва олиму омӯзгор буданд, ҳастанд ва дар оянда хоҳанд монд».

Вазифаи аз ҳама вазнин, вале пуршарафу муқаддас, тарбияи насли наврас, насли созандаву бунёдкор, ояндаи миллату давлати тоҷик ба уҳдаи Шумо-муаллимони меҳрубон  гузошта шудааст. Маҳз заҳмату ҷонфидоиҳои омӯзгорон буд, ки девону дафтари ниёгони сарбаланду некном, бофарҳангу тамаддунсозамон то ба ин рӯзҳои пурсаодати мо расида, мавриди баҳрабардории аҳли башар қарор гирифтааст.

Имсол бо дастгирии бевоситаи  Асосгузори сулҳу ваҳдати миллӣ-Пешвои миллат,  Президенти Ҷумҳурии Тоҷикистон муҳтарам Эмомалӣ Раҳмон, Вазорати маориф ва илми Ҷумҳурии Тоҷикистон муассисаи таҳсилоти миёнаи умумии рақами 2 ба маблағи 500 ҳазор доллари амрикоӣ аз таъмири хушсифат бароварда шуда, бо таҷҳизоти навин (миз, курсӣ, тахтаи синфӣ, ҷевони китобмонӣ ва ғайра) таъмин карда шуд. Бо дастгирии сокинони диёр дар деҳаи Кӯлобиён муассисаи таълимӣ барои 100 ҷойи нишаст сохта шуда,  чун тӯҳфа ба  ҷашни 26-умин солгарди Истиқлолияти давлатии Ҷумҳурии Тоҷикистон пешкаши хонандагон гардонида шуд. Сохтмони муассисаҳои таълимӣ дар деҳаи Навобод барои 200 ҷойи нишаст дар як баст, деҳаи Меҳрободи боло барои 100 ҷойи нишаст бо маблағгузории Мақомоти иҷроияи ҳокимияти давлатӣ, саховатмандони диёр ва бо дастгирии ассотсиатсияи омӯзгорону падару модарон дар назди муассисаҳои таълимии рақами 26 ва  32 сохтмони синфхонаҳои иловагӣ,  дар назди МТА рақами 58 бинои хонаи омӯзгорон оғоз пазируфтанд, ки ҳамаи ин самар аз ваҳдату якдилӣ ва соҳибистиқлолии кишвар аст.

Бояд қайд намоям, ки ба  тавассути дастгирӣ ва ғамхориҳои Президенти  Ҷумҳурии Тоҷикистон, Ҷаноби олӣ муҳтарам Эмомалӣ Раҳмон, Ҳукумати  ҷумҳурӣ, Мақомоти маҳаллии ҳокимияти давлатии ноҳия ва саъю талошҳои омӯзгорони азиз соҳаи маориф дар ноҳия рушд дорад.  Месазад дар ин рӯзи саид, рӯзи хоси муаллимон номи устодони беҳтарини ноҳия: Тағоев Муродалӣ,  Қурбонова Зебуниссо, Иминова Маҳбуба, Содиқов Меҳриддин, Зоиров Назаралӣ, Сангов Маҳмадраҷаб, Абдуллоев Саидаҳмад, Холиқов Баҳриддин, Азимова Умеда,  Гурезов Давлат, Султонов Сафар, Довудов Аскар, Ниҳмонов Саъдоншо, Камолова Соро, Иброҳимов Абдулло   ва даҳҳои дигарро бо ифтихор ва эҳтироми хоса ба забон орем, ки бо меҳнати  ҳалолашон  ном бароварда, маҳбуби дилҳо гаштаанд.

Омӯзгорони азиз, иҷозат диҳед бори дигар Шуморо ба иди касбиатон – «Рӯзи муаллимон» самимона муборакбод намуда, ба ҳамаи  шумо, ки дар тарбияи насли наврас – ояндаи миллату давлат саҳми арзанда мегузоред ва барои шукуфоии Тоҷикистони соҳибистиқлоламон шабу рӯз  заҳмат мекашед, аз номи Мақомоти иҷроияи ҳокимияти давлатии ноҳия ва шахсан аз номи худам изҳори сипосу миннатдорӣ баён намоям. Ба шумо дар иҷрои вазифаи пуршарафи омӯзгорӣ барори кор ва осоиши рӯзгорро таманно дорам.

Идатон муборак, омӯзгорони азиз!

ТАБРИКОТИ РАИСИ НОҲИЯ, УЗВИ МАҶЛИСИ МИЛЛИИ МАҶЛИСИ ОЛИИ ҶУМҲУРИИ ТОҶИКИСТОН МУҲТАРАМ РАҶАБЗОДА МИРАЛӢ БАХШИДА БА СОЛГАРДИ ИСТИҚЛОЛИЯТИ ДАВЛАТИИ ҶУМҲУРИИ ТОҶИКИСТОН

Ҳамдиёрони азиз!

Бисту шаш сол  аст, ки Тоҷикистони маҳбуби мо ва мардуми шарифи он иди Истиқлолияти давлатии кишварро таҷлил менамоянд ва дар фазои давлати озоду соҳибихтиёр баҳри гулгулшукуфии Ватани азизамон ҷаҳду талош меварзанд.

Бо истифода аз ин фурсати муносиб тамоми сокинони ноҳияро ба ин ҷашни бузурги миллиамон - солгарди Истиқлолияти давлатии Ҷумҳурии Тоҷикистон самимона муборакбод менамоям.  

Ин муддат барои таърих чандон фурсати тӯлонӣ набошад ҳам, Ҳукумати  Ҷумҳурӣ дар ин муддати кӯтоҳ тавонист, ки бо вуҷуди мушкилоту монеаҳои зиёд пешрафти устувори Ватанамонро таъмин намуда, мақоми онро дар арсаи байналмилалӣ боло бардорад, пояҳои давлатдории мустақили худро тақвият бахшида, тамоми кӯшишу талош ва захираву имкониятҳои худро ба хотири фароҳам овардани шароити мусоид барои зиндагии шоистаи халқи кишвар  равона созад.

Бо шарофати истиқлолият нуфузу эътибори Тоҷикистон дар арсаи байналмилалӣ боло рафта, ташаббусҳои кишвари мо дар арсаи ҷаҳонӣ пазируфта мешавад.

Имрӯз Тоҷикистон ҳамчун узви комилҳуқуқи Созмони Милали Муттаҳид дар ҳалли масоили умдаи сиёсию иқтисодии ҷаҳон ширкат меварзад ва андешаи хешро изҳор менамояд.

Чӣ тавре Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қайд намудаанд: «Истиқлолияти давлатиро дар роҳи худшиносии миллию таърихӣ, эҳёи оину  суннатҳо ва рушди илму адаб метавон марҳалаи дурахшону пурифтихори фарҳангу тамаддуни миллӣ, даврони рушди неруи зеҳнӣ ва эҷодкорӣ арзёбӣ намуд. Маҳз ба шарофати истиқлолият сиришти маънавии миллати тоҷик расмияти сиёсӣ пайдо кард».

Дар солҳои соҳибистиқлолии кишвар соҳаҳои муҳими иҷтимоӣ, аз ҷумла илму маориф, тандурустӣ ва фарҳангу варзиш ба маҷрои сифатан нав ворид гардида, сол то сол пеш мераванд. Имрӯз Ҳукумати Ҷумҳурии Тоҷикистон, хусусан Президенти мамлакат, Пешвои миллат, Ҷаноби Олӣ муҳтарам Эмомалӣ Раҳмон ҳамаи тадбирҳоро амалӣ намуда истодаанд, ки сифати хизматрасониҳо дар низоми маорифу тандурустӣ баланд гардида, ба сатҳи меъёрҳои ҷаҳонӣ расонида шавад.

Имрӯз бо сарафрозӣ ва шукрона аз  соҳибватанию соҳибистиқлолӣ бояд қайд намоем, ки дар даврони истиқлолият дар ҳаёти сокинони ноҳияи мо низ пешравиҳои назаррас ба даст омаданд. Сокинони бонангу ор ва меҳнатқарину ватандӯсти ноҳия дар фазои сулҳу осоиштагӣ ва озодии комил кору зиндагӣ намуда, пайваста саъю талош меварзанд, ки бо меҳнати ҳалолу бунёдкорона дар пешрафту шукуфоии кишвари азизамон саҳми сазовор гузоранд. Бо баракати истиқлолияти комил, ваҳдату осоиштагӣ, ғамхорию дастгириҳои доимии Ҳукумати  Ҷумҳурии Тоҷикистон, хусусан Пешвои миллат, Ҷаноби Олӣ муҳтарам Эмомалӣ Раҳмон зиндагии сокинони ноҳия сол аз сол сифатан беҳтар гардида, дар соҳаҳои гуногуни иҷтимоиёту иқтисодиётамон дигаргуниҳои куллӣ ба амал омаданд. 

Дар зарфи ин солҳо маблағгузориҳо  ба соҳаҳои иҷтимоӣ ҳамчун соҳаи афзалиятнок ҳамасола зиёд мегардад. Кишоварзони ноҳия баҳри пурнозу неъмат гардонидани дастурхони сокинони мамлакат аҳлона меҳнат намуда, истеҳсоли ҳама навъҳои маҳсулотро сол аз сол афзун намуда истодаанд. Дар соҳаи сохтмону меъморӣ низ тӯли солҳои охир дигаргуниҳои чашмрас ба амал омаданд. Симои шаҳраку деҳотҷои ноҳия сол то сол ободтару зеботар мегардад. Сохтмони мактабу синфхонаҳо, бунгоҳу марказҳои саломатӣ ва иншооти хизматрасонию ободонӣ, ки солҳои охир ба истифода дода шудаанд, ба ҳусни ноҳия ҳусн зам намуда, симои онро ба куллӣ тағйир додаанд.  Соҳаҳои  тандурустӣ ва фарҳангу ҳунари ноҳия низ рӯ ба рушданд.

Бо шукронаи зиёд бояд изҳор намоем, ки ҳамаи ин дастоварду муваффақиятҳои ҳаётамон бевосита аз файзи Истиқлолияти давлатии Ватани  азизамон сарчашма мегирад.

Ҳамдиёрони азиз!

Бори дигар  тамоми сокинони ноҳияро аз номи мақомоти иҷроияи ҳокимияти давлатии ноҳия, шахсан аз номи худам ба ҷашни 26-солагии Истиқлолияти давлатии Ҷумҳурии  Тоҷикистон самимона муборакбод намуда, ба ҳар як сокини ноҳия саломатӣ, барору комёбиҳо ва ба ҳар хонадони мардуми ноҳия ободиву осоиш, хушбахтиву хушрӯзӣ ва файзу баракат орзу менамоям.

Зинда бод Истиқлолияти давлатии Ҷумҳурии Тоҷикистон!

Иди Истиқлол муборак, ҳамдиёрони азиз!

ХАБАРИ МАЉЛИСИ ВАКИЛОНИ ХАЛЌИ НОЊИЯ

Рўзи 3 июл дар толори маќомоти иљроияи њокимияти давлатии ноњия иљлосияи 11-уми Маљлиси вакилони халќи ноњия, даъвати панљум баргузор шуд. Дар кори иљлосия аз шумораи 40 нафар вакилон 38 нафар ширкат намуданд. Њамчунин дар  кори иљлосия кормандони дастгоњи раис, роњбарони  сохторњои воњидии маќомоти  иљроияи њокимияти давлатї, раисони љамоатњои шањраку дењот, роњбарони  сохторњои  њифзи њуќуќ ва тартиботи љамъиятї, ташкилоту муассисањо, хољагињо, њизбњои сиёсї ва намояндагони воситањои ахбори омма,  ходимони дин  иштирок доштанд.

Иљлосияро раиси ноњия Раљабзода Миралї раисї намуд.

Бо пешнињоди Низомиддини Шамсиён вакил аз њавзаи  интихоботии №23,   вакилон    М. Љалилов, аз њавзаи интихоботии  №24, А. Саидов, аз њавзаи интихоботии №32 ва  З.Зарифова, аз њавзаи интихоботии №10 котибони  иљлосия интихоб гардиданд.

Иљлосияи ёздањум масъалањои зеринро мавриди баррасии вакилон ќарор дод:

Дар бораи рафти иљрои Ќарори Њукумати Љумњурии Тољикистон аз 30 декабри соли 2015, №793 дар бораи  рафти иљрои «Барномаи давлатии  боѓу токпарварї барои солњои 2016-2020», дар бораи рафти  иљрои буљети мањаллии ноњия дар нимсолаи  якуми соли 2017,  њисоботи комиссияи  доимии  Маљлиси вакилони  халќи ноњия оид ба маориф, фарњанг, кор бо љавонон, занон ва оила, дар бораи   номгузории   кўчаи Навбунёди Љамоати шањраки Файзобод ба номи Ќурбон Назир ва муассисаи тањсилоти миёнаи  умумии раќами 22 ба номи  Наљмиддинов Мирзо, дар бораи  пешнињоди комиссияњои манзилї ва хусусигардонии назди  маќомоти иљроияи  мањаллии њокимияти давлатї  дар бораи ќатъи  шартномањои  шањрвандон –ѓолибони музоядаи хусусигардонии хонањои  истиќоматии бинои 12-њуљрадор, воќеъ  дар кўчаи  Гулистони  шањраки Файзобод, тасдиќи амр ва ќарорњои  раиси  ноњия.  

 Аз рўи масъалаи якуми  иљлосия раиси комиссия оид ба рушди соњаи кишоварзї ва њифзи муњити зист, Э. Насриддинов гузориши муфассал дод.

 Аз рўи масъалаи дуюми рўзномаи иљлосия сардори раёсати молияи ноњия Иноятулло Раљабов     баромад намуд.

Аз рўи  масъалаи сеюми  рўзномаи иљлосия  раиси комиссияи  доимии Маљлиси вакилони халќи  ноњия оид ба маориф, фарњанг, кор бо љавонон, занон ва оила О. Табарова гузориш дод.

Аз рўи масъалањои дар боло баррасишуда вакилон аз њавзаи интихоботии №25 Назаров Амриддин ва Ѓиёсова  Саломат аз њавзаи интихоботии  № 40 ба музокира баромаданд.

 Аз рўи масъалаи чорум, раиси комиссияи номгузории  назди маќомоти иљроияи  њокимияти давлатии  ноњия, муовини раиси ноњия Н. Раљабова баромад кард. Сипас вакилон  дар бораи   номгузории   кўчаи Навбунёди Љамоати шањраки Файзобод ба номи Ќурбон Назир ва муассисаи тањсилоти миёнаи  умумии раќами 22 ба номи  Наљмиддинов Мирзоро якдилона дастгирї карданд.

Њамчунин вакилон пешнињоди комиссияњои манзилї ва хусусигардонии назди  маќомоти иљроияи  мањаллии њокимияти давлатї  дар бораи ќатъи  шартномањои  шањрвандон –ѓолибони музоядаи хусусигардонии хонањои  истиќоматии бинои 12-њуљрадор, воќеъ  дар кўчаи  Гулистони  шањраки Файзободро љонибдорї намуданд.

Вакилон  амру ќарорњои раиси ноњияро баъди гузориши  роњбари  дастгоњи раиси ноњия Ш. Восеев аз рўи масъалаи навбатї тасдиќ карданд.

Њамаи масъалањои  баррасишуда  аз љониби вакилон пурра дастгирї ёфта, вобаста ба њар кадом ќарорњои дахлдор ќабул гардид.

Раиси ноњия Раљабзода М. дар анљоми иљлосия бањри ислоњи камбудињои дар рафти муњокимаи масъалањо  баёнгардида дастурњо дода,  боварї намуд, ки вакилони халќ бањри пешрафти њамаи соњањои  иќтисодиву иљтимоии ноњия донишу мањорати  хешро дареѓ намедоранд. 

 Иљлосияи ёздањуми Маљлиси вакилони  халќи ноњия бо пахши Суруди Миллї оѓоз ва анљом ёфт.

«НФ».

СУҲБАТ ОИД БА ПАЁМИ ПЕШВОИ МИЛЛАТ

Рӯзи 17 феврал дар толори филармонияи халқии ноҳия атрофи Паёми ба Маҷлиси Олии кишвар рӯзи 20 январи соли равон ироа гардидаи Асосгузори сулҳу ваҳдати миллӣ, Пешвои миллат, Президенти мамлакт Эмомалӣ Раҳмон ва вобаста ба шарҳи тағйиру иловаҳо ба Конститутсияи (Сарқонуни) Ҷумҳурии Тоҷикистон, ки аз ҷониби вакилони Маҷлиси намояндагони Маҷлиси Олии Ҷумҳурии Тоҷикистон пешниҳод шудааст, вохӯрии судманд доир гурдид.

Подробнее...

САРВАРИ ҒАЙРАТМАНД

Чанде пештар, вақте ки масъалаи ба Эмомалӣ Раҳмон, Президенти Ҷумҳурии Тоҷикистон додани унвони Пешвои миллат ба миён омада буд, хурсандиамро ба хабарнигори ҳафтаномаи «Набзи Файзобод» изҳор карда будам. Суханони дар ҳаққи Саравари давлат гуфтаи ман дар газета чоп шуд, ки аз ин хурсанд шудам.

Подробнее...

СОЛИ 2016 МАСЪУЛИЯТИ БЕШТАР МЕТАЛАБАД

Дар маҷлиси васеи назди раиси ноҳия, ки рӯзи 11 январи соли равон бо иштироки роҳбарони ташкилоту муассисаҳо, сарварони муассисаҳои таълимӣ, раисони кумитаҳои маҳалла, соҳибкорон ва фаъолони ноҳия доир гардид, натиҷаҳои рушди иҷтимоию иқтисодии ноҳия дар соли 2015 мавриди муҳокима қарор гирифт. Назди ҳозирин аз дастоварду камбудиҳои дар ҳамаи соҳаҳои хоҷагии халқи ноҳия мавҷуд буда муовини аввали раиси ноҳия Акрамзода З.А. ва муовинони раиси ноҳия Сафаров Р.М. ва Раҷабзода С.Б. ҳисобот доданд (Маърӯзаҳо дар ҳамин шумора дар шакли мухтасар чоп гардидааст).

Подробнее...