Сб10202018

Last updateПт, 19 Окт 2018 2pm

Матолиби тоза :
YJ Title Ticker - модуль joomla Joomla

ХАБАРҲО

БОЗОРИ КИШОВАРЗОН

Мувофиқи нақша-чорабиниҳо дар мувофиқа бо  Вазорати кишварзии Ҷумҳурии Тоҷикистон бо мақсади пешгирии болоравии нархи маҳсулоти кишоварзӣ арафаи ҷашни Наврӯзи хуҷастапай дар шаҳри  Душанбе бозори дастранҷи деҳқонон баргузор мегардад. Дар ин ярмарка кишоварзони ноҳияи  мо ҳам иштирок карда, маҳсулотҳои худро бо нархи дастрас пешкаши харидорон мегардонанд.

БОЗОРИ КИШОВАРЗОН

Мувофиқи нақша-чорабиниҳо дар мувофиқа бо  Вазорати кишварзии Ҷумҳурии Тоҷикистон бо мақсади пешгирии болоравии нархи маҳсулоти кишоварзӣ арафаи ҷашни Наврӯзи хуҷастапай дар шаҳри  Душанбе бозори дастранҷи деҳқонон баргузор мегардад. Дар ин ярмарка кишоварзони ноҳияи  мо ҳам иштирок карда, маҳсулотҳои худро бо нархи дастрас пешкаши харидорон мегардонанд.

НАҚША ИҶРО МЕШАВАД

Деҳқонони ҷамоатҳои деҳоти минтақаи поёни ноҳия аз   рӯзҳои мусоид самаранок истифода карда пайи иҷрои нақшаи кишти картошка мебошанд. Аллакай дар Ҷамоатҳои деҳоти Бӯстон дар майдони 16 гектар, Меҳробод - 17 гектар, ба номи Дӯстмурод Алиев - 11 гектар ва Ҷавонон - 10 гектар картошка кишт карданд.

Чӣ тавре аз идораи кишоварзӣ иттилоъ гирифтем, картошкапарварони ҷамоатҳои номбурда барои иҷрои саривақтии нақшаи картошка ҳамаи шароиту имкониятҳоро истифода менамоянд. Барои амалӣ шудани мақсадашон майдонҳои киштро хушсифат шудгор карда, ба қадри зарурӣ тухмӣ захира кардаанд.

АМАЛИЁТИ «НАВРАС»

Дар асоси фармону дастурҳои Вазорати корҳои дохилии Ҷумҳурии Тоҷикистон чандест, ки гурӯҳи пешгирии ҳуқуқвайронкунии наврасону ҷавонони шуъбаи корҳои дохила, дар якҷоягӣ бо масъулини шуъбаи маориф ва бахши кор бо  ҷавонон ва варзиш дар муассисаҳои  таълимии ноҳия барои пешгирии ҷиноят аз тарафи наврасону ҷавонон оид ба амалиётҳои «Наврас», «Оворагард» ва «Пиёдагард» силсилавохӯриҳоро гузаронида истодаанд. Алакай чунин вохӯриҳо дар муассисаҳои таълимии рақамҳои 1, 35, 11 ва 15 баргузор гардиданд. 

 Имрӯз дар қайди ШКВД-и ноҳия нисбати се нафар ноболиғ варақа ва парванда оғоз карда шудааст. Шумораи умумии дар шуъбаи корҳои дохилӣ ба қайд гирифташудагон 8 нафарро ташкил медиҳад. Ба онҳо корҳои фаҳмондадиҳию тарбиявӣ бурда мешавад.

Баромадкунандагон оид ба ҷиноят содир кардани баъзе хонандагон  ҳарф заданд. Чунин силсилавохӯриҳо дар ҳамаи муассисаҳои таълимии ноҳия баргузор мегардад.

НАВРӮЗИ ЧИЛЧАШМА

Агар гирдиҳамоии наврӯзии дар пояи муҷассамаи устод Рӯдакӣ барпокардаи душанбегиҳоро ба инобат гирем, ба таҷлили расмии Иди Наврӯз дар Тоҷикистон 53 сол пур мешавад. Ин гирдиҳамоӣ 22 марти соли 1965 бо ташаббуси олимони рӯшанфикру ватандӯст, адибону рӯзноманигорони шуҷоъ барпо шуд ва ҳамчун маҳфили бузурги адабӣ бо лаҳни шоирона Наврӯзи Аҷамро тавсиф мекард ва мардумро аз фарорасии мавсими кишту кор мужда медод. Дар ин маҳфили бузург бандаи камтарин, - ҳамон вақт донишҷӯи соли дувуми имрӯза Донишгоҳи миллии Тоҷикистон, - ҳозир будам. Аз ҷамъомадагон устод Муъмин Қаноатро, устод Лоиқро, устод Бозор Собирро, журналисти варзида Мазҳабшо Муҳаббатшоҳро мешинохтам.

Наврӯзии ҳамонсола ба осонӣ муяссар нагардида буд. Зеро сиёсати русикунонии хрушёвӣ (Никита Сергеевич Хрушёв, котиби генералии Комитети марказии Партияи коммунистии Иттифоқи Советӣ) тамоми ҷумҳуриҳои Иттифоқро фаро гирифта буду анъанаҳои халқҳои шӯравӣ, урфу одат ва забону фарҳанги мардуми ғайрирус гирифтори таъқиб қарор дошт.

Вале, хушбахтона, дар ҳамон замони «зиндонӣ» будани Наврӯз дар деҳот, хусусан музофоти Шимоли Тоҷикистон, фарорасии баҳорро истиқбол карда, бе пурсиши боло (району вилоят) фарорасии Наврӯзро ҷашн мегирифтанд.

Аз ёдҳои кӯдакӣ медонем, ки дар рӯ ба рӯи мазори байни Чилчашма (Ҷойникӯдии пешин) дар теппаи миёни ду чашмаи сероб дегҳои қатор мемонданд. Сари ин дегҳо асосан кампирони дастбакор, ришсафедони нуронӣ кафлезбадасту кафгирбадаст буданд. Ғизоҳо асосан аз оши буридаю оши туппа кашку далдаю гандумкӯча иборат буд. Медидем, ки бобои Маҳмадназар, ки бригадири колхоз буд, бобои Даҳмарда, мӯсафеди навчаи нуронӣ Бобӣ яке рӯи даст тали нони чаппотӣ, дигаре бо сатили пур аз кулчаю орзуқу чагалдак байни сафи нишастагон рафтуо карда, дастурхонҳои қад-қадро пур мекарданд. Ҳар ҷо – ҳар ҷойи дастурхонҳо қандҳои сафеди похса, саманак мегузоштанд. Ҳамон вақтҳо шахси дорандатари қишлоқ акаи Тағой («Тағой начайлук» (началник)) дар доман аз хонааш қанди похса меовард.

Ин манзараҳо низ дар хотира нақш доранд, ки як тараф, тарафи офтоббаро, таги чанд дарахти тут гӯштингирӣ, онсӯтар бандкашиву хурӯсҷанг мешуд. Одатан навбати аввали мусобиқаи гӯштин аз наврасон буд. Як маҳал медидӣ, ки даста-даста бачаҳо аз теппаҳои канори дарёи Элок аз Шӯлашак, аз Дараи Дароз бо гулдастаҳои сиёҳгӯш ҳозир мешуданд. Ва аввалин гулҳоро ба модарон тақдим мекарданд. Хеле дуртар аз ҷамъи одамон, дар канори хандақи гӯристони деҳа се-чор ҷуфт барзаговҳои ҷуфтӣ бо юғу испор маҳтал меистоданд. Албатта, онҳоро одамони дар деҳқонӣ муътабар акаи Бобию Мулло Ибод, акаю додар Сафару Асо аввалин шуда ба шудгор меандохтанду ҷамъбасти кишту корро ба ихтиёри ҷавонмардон медоданд.  

Аз ҳамон маъракаҳои гӯштингирӣ ғолибияти Мулло Ибод, акаи Бобӣ, акаи Одил (рӯҳашон шод бод) дар ёдам мондааст. Мулло Ибод ҳалукҳои почасп дошт. Акаи Одил бошад, марди чолоке буд, гирди ҳарифаш сад печ тоб мехӯрд. Чанд касро паиҳам ба тахтапушт афтонданаш дар ёд мондааст.

Ҳамаи онҳо дар гӯристонҳои деҳа маскан гирифтанд ва баҳорони зиёд аст, ки рӯи марқадашон сабза медамаду хушк мешавад.

ДАР ХИЗМАТИ МАРДУМ

Маркази деҳаи Мискинободи Ҷамоати деҳоти Мискинобод то рафт ободу зебо шуда, ба ҳуснаш ҳусни нав зам мекунад.

Мағозаи хӯроквории Ҷамол Раҷабов низ дар маркази ҷамоати мазкур ҷо гирифтааст. Аз хизматрасонии ин мағоза сокинони Ҷамоати деҳоти Мискинобод қаноатманданд. Зеро нархи маводи хурока инҷо нисбати дигар нуқтаҳои тиҷоратии воқеъбуда хеле арзон аст. Ҳамчунин муносибати ӯ ба мизоҷон дар сатҳи баланд будаву тозагии дохил ва гирду атрофи он табъи касро мекушояд. Ҳамчунин Ҷамол Раҷабов дасти сахо дошта, ба ашхоси ниёзманд кӯмак мерасонад.

Ҳамин аст, харидорон нисбати дигар нуқтаҳои фурӯши маҳсулот ба мағозаи Ҷамол Раҷабов бисёртар омадаву ҳоҷаташонро инҷо дастрас мекунанд.

НАВРӮЗИ ЧАШМАСОР

Дар Ҷамоати деҳоти Чашмасор ба ифтихори рӯзи байнамилалии Наврӯзи хуҷастапай корҳои ободонӣ вусъати тоза гирифта, то имрӯз дар ду тарафи шоҳроҳ 300 бех ниҳолҳои ороишӣ шинонидаанд. Мувофиқи нақша то рӯзи Наврӯз зиёда аз 3 ҳазор ниҳолҳои сояафкану мевадиҳанда шинонда, ҳамчунин дар майдони 50 гектар дар талу теппаҳо ва заминҳои лалмӣ боғи нав бунёд карда мешавад.

Ҳар рӯзи шанбе дар қаламрави ҷамоат ҳашари умумӣ гузаронида, ҷӯйбору роҳравҳоро аз партовҳо тоза мекунанд. 

ОМОДАГӢ БА ҶАШНИ НАВРӮЗ

Тибқи қарори раиси ноҳия   оид ба таҷлили Иди байналмиллалии Наврӯз   кумитаи тадорукот ва нақша чорабиниҳо оид ба омодагиҳо ба таҷлили ин ҷашн ба тасвиб расидааст. Дар асоси нақшаи таҳияшуда баргузории ҳашарҳо барои тоза намудани кӯчаву маҳаллаҳо, шинондани гулу дарахтони сояафкану ороишӣ, насби шиору овезаҳои идона, намоиши ҳунарҳои мардумӣ дар назар дошта шудааст. Озмунҳои «Маликаи Наврӯз», «Беҳтарин хони Наврӯзӣ», «Беҳтарин Наврӯзгоҳ» ҳамчунин мусобиқаҳои варзишии футболу волейбол ва шоҳмоту гӯштин, ки дар арафа ва рӯзҳои ид гузаронида мешаванд, шукӯҳи ин ҷашни аҷдодиро меафзояд.

Баргузории мизи мудаввар дар мавзӯи «Наврӯз ва сайри таърихии он» аҳли зиё ва муҳақиқони Наврӯзи бостонро ҷалб хоҳад кард. Мавриди истифода қарор гирифтани чанд иншоти иҷтимоӣ дар маҳаллаҳо низ туҳфаи идона дар рӯзҳои баҳорӣ барои сокинон хоҳад гашт.

«Набзи Файзобод» муваззаф шудааст, ки ҷараёни баргузории чорабиниҳои Наврӯзиро инъикос намояд.

ФАЙЗРЕЗ ФАЙЗИ НАВРӮЗӢ ДОРАД

Деҳаи Файзрез даромадгоҳи шаҳраки Файзобод аст. Чун деҳа дар канори шоҳроҳи Душанбе-Ваҳдат-Лахш ҷо гирифтааст, то андозае муаррифгари симои ноҳия мебошад. Тайи ду соли охир корҳои ободонӣ дар ин русто хуб ҷараён дорад. Ин муддат сокинони деҳа бо дастгирии раиси ноҳия атрофи шоҳроҳи зикршуда беш аз 2 ҳазору 500 бех ниҳоли ороишии арча шинонида, нигоҳубин ва обмонию нашъунамояшро пайваста назорат мебаранд.

Шиору овезаҳои Сулҳу Дӯстӣ ва Ваҳдату Якдилӣ, ки аз ҷониби рост қад-қади роҳ қомат афрохтаанд, шаҳодати якдилии сокинони маҳал аст. Ҳамин дӯстиву рафоқат ва сарҷамъии мардум ва дастҷамъона саҳм гузоштан дар ободониву созандагӣ боис шудааст, ки симои ин деҳа рӯз аз рӯз дигар мешавад. Сангфарш гардидани роҳҳои дохили маҳал дар ҳаҷми 3 ҳазору 500 сомонӣ, таъмиру азнавсозии чойхонаи ҷамъиятӣ ва ба макони фарҳангӣ-фароғатӣ табдил додани он бо сарфи 7 ҳазору 500 сомонӣ, оғози бунёди толори вазишӣ дар назди муассисаи таълимии деҳа ба дастгирии раиси ноҳия ба маблағи зиёда аз 8 ҳазор сомонӣ (айни ҳол таҳкурсиаш рехта шудааст) аз ободкориҳои чашмрас мебошанд.

Бо мақсади тарғиби «Соли рушди сайёҳӣ ва ҳунарҳои мардумӣ» дар шоҳроҳ рамзи онро насб намудаанд, ки симои муҷаллои деҳа ҳусни тоза гирифт.

Айни ҳол бошад, ҷавонони деҳа тасмим гирифтаанд, ки бо мақсади оммавӣ гардонидани варзиш ва ҷалби ҷавонон ба он бо дастгирии раиси ноҳия Раҷабзода Миралӣ варзишгоҳи деҳаро азнавсозӣ намоянд.

Баҳри амалигардонии ин кори нек мардуми Файзрез зиёда аз 70 ҳазор сомонӣ маблағ ҷамъ карданд. Алҳол корҳои тахту ҳамворкунӣ дар майдони варзишӣ ба итмом расидаву дигар корҳои сохтмонӣ   ба таври васеъ бо сарҷамъии мардум ҷараён дорад. Мо ният дорем, ки варзишгоҳро бо таври замонавӣ то таҷлили иди байналмилалии Наврӯз мавриди истифода қарор диҳем.

КОРҲОИ КИШОВАРЗӢ ВУСЪАТ МЕЁБАНД

Инак, баҳори нозанин боз аз омад-омади худ дарак дод. Бо фаро расидани баҳори нозанин корҳои ободонию созандагӣ дар қисмати поёнии ноҳия аз шинонидану нарм кардани дарахтони сояафкану ҳамешасабзи ду тарафи шоҳроҳи Ваҳдат- Лахш муташаккилона оғоз гардид. Сокинони ҷамоатҳои деҳоти Бӯстон, Меҳробод, Вашгирд, ба номи Дӯстмурод Алиев, Ҷавонон ва Ҷамоати шаҳрак ба ҳашари дастаҷамъона баромада, бехи 3375 дарахти арчаро нарм ва 650 ниҳоли хушкидаро иваз карда, корҳои тозакунии ҷӯю заҳбурҳоро ба сомон расониданд. Инчунин дар маркази ноҳия зиёда аз 1,5 ҳазор гули навъи тошкантӣ шинонида шуд. Тибқи нақша имсол дар ноҳия зиёда аз 35 ҳазор ниҳолҳои сояафкану ороишӣ ва мевадиҳанда шинонида мешавад.

Кишоварзону боғдорони хоҷагиҳои поёни ноҳия ба кишту кори баҳорӣ оғоз кардаанд. Боғпарварон аллакай аз 667 гектар боғи нақшавии имсола дар майдони 76,9 гектар боғ гузаронида зиёда аз 114 гектар боғҳои мавҷударо аз шоху навдаҳои зиёдатӣ тоза карданд.

Деҳқонон низ ба омадани баҳор ҳаматарафа тайёрӣ   дида,  баробари дигар корҳои баҳорӣ дар майдони 38 гектар картошка шинонданд. Онҳо мақсад доранд, ки майдони кишти картошкаро дар ноҳия ба 600 гектар ва сабзавотро ба 1000 гектар расонанд.

Подкатегории