Пт11172017

Last updateПт, 10 Нояб 2017 3pm

Матолиби тоза :
YJ Title Ticker - модуль joomla Joomla

ХАБАРҲО

КИШТ ОҒОЗ ГАРДИД

Кишоварзони ноҳия ният доранд, ки   ин баҳор дар майдони     2137 гектар кишт гузаронанд. Тибқи нақшаи мазкур бояд кишти картошка ба  660 гектар, сабзавот   250 гектар, ғалладонагӣ ба 580 гектар ва зироатҳои техникӣ ба 580 гектар расонида шавад. Бо мақсади иҷрои нақша кишоварзон аз рӯзҳои офтобӣ самаранок истифода мебаранд. Алалхусус дар хоҷагиҳои минтақаҳои поёни ноҳия, дар Ҷамоатҳои Бӯстон, Меҳробод, Вашгирд, ба номи  Дӯстмурод Алиев ва Ҷавонон кишту кори баҳорӣ муташаккилона оғоз гардидааст. Алакай хоҷагиҳои деҳқонии ҳудуди ин ҷамоатҳо дар 5-10 гектарӣ  картошка шинонданд.

С.Тилло. 

БОЗОРИ КИШОВАРЗОН ДАР ДУШАНБЕ

 Бахшида ба ҷашни байналмилалии  Наврӯз тайи  се рӯз, аз 18 то 20 март дар шаҳри Душанбе бозори фурӯши маҳсулотҳои хоҷагиҳои кишоварзии ноҳия доир гардид. Макони баргузорӣ кӯчаи Ҳусейнзода (назди бинои Кумитаи меъморӣ ва сохтмони назди Ҳукумати Ҷумҳурии Тоҷикистон) муайян шуда буд. Кишоварзони ноҳия дар ярмарка зиёда аз 5 тонна картошка, як тонна сабзӣ, як тонна пиёз, як тонна шир, 0,5 тонна гӯшт ва 200 кило асалро  бо нархи арзон пешкаши сокинони пойтахт намуданд.

Муфассал...

«САРБОЗИ ВАТАН»

Бо ташаббуси бахши ҷавонон, варзиш ва сайёҳӣ, шуъбаи маориф, ташкилоти ҷамъиятии мададгори мудофиа, комиссариати ҳарбии ноҳия мусобиқаи ҳарбӣ-варзишии «Сарбози Ватан» миёни хонандагони муассисаҳои таълимии ноҳия бахшида ба 24-солагии таъсисёбии  Артиши миллӣ, 72-солагии Ғалаба дар ҶБВ солҳои 1941-1945 гузаронида шуд.

Муфассал...

ҶАМЪОМАДИ ХОТИРМОН БА ИФТИХОРИ РӮЗИ АРТИШИ МИЛЛӢ

  23-юми феврали соли 1993 Артиши миллии Ҷумҳурии Тоҷикистон  таъсис дода шуда буд, ки аз он рӯз 25 сол сипарӣ гардид.   Артиши навтаъсиси  кишвари соҳибистиқлоли мо  бо азми устувору қадами ҷиддӣ  мушкилоти пешомадаро  бартараф намуда сол аз сол ташаккул ёфт ва  имрӯз яке аз қувваҳои пуриқтидори ҳарбӣ  дар минтақа  маҳсуб меёбад. 

Муфассал...

САХОВАТИ СОҲИБКОР

Соҳибкор Файзулло Абдураҳмонов, аз деҳаи Фатҳобод ҷамоати деҳоти Мискинобод дар шафати шоҳроҳ гӯшаи  «Бозори деҳқон» кушод. Мардуми деҳоти Мискинобод, ки дастранҷи худро ба канори роҳ барои фурӯш мебароварданд, акнун метавонанд дар ин гӯшаи обод бемалол савдо кунанд.

Файзулло Абдураҳмонов дасти саховат дорад.  Ӯ барои таъмири муассисаи таҳсилоти миёнаи умумии рақами 27  панҷсаду сӣ  сомонӣ бахшид.

 Ҳоким САФАР.

“ШУКӮҲИ ИСТИҚЛОЛ” АЗ ЧОП БАРОМАД

Арафаи иди матбуоти кишвар  китоби «Шукӯҳи истиқлол» , ки дастовардҳои мардуми ноҳияро дар 25 соли даврони соҳибистиқлолии кишвар инъикос менамояд, аз чоп баромад. Муаллифон кӯшиш кардаанд, ки дар китоб фаъолияти пурсамари кормандони қариб тамоми соҳаҳои ноҳияро инъикос намоянд. Хонанда ба чеҳраҳои шинохтаи ин диёр, ки барои ободию созандагиҳо софдилона заҳмат кашида, ба ин хотир сазовори мукофоти давлатӣ гардидаанд, ошно мешавад. «Шукӯҳи истиқлол», бо қалами журналистони маҳаллӣ, ходимони имрӯзаи «Набзи Файзобод» таълиф шудааст.

“НФ”.

ДАР ПАРТАВИ ПАЁМ

Ҷамъи омӯзгорон ва хонандагони муассисаи таҳсилоти миёнаи умумии рақами 27 Паёми Асосгузори сулҳу ваҳдати милӣ - Пешвои миллат муҳтарам Эмомалӣ Раҳмонро, ки  22 декабри соли 2016 дар Маҷлиси Олии Ҷумҳурии Тоҷикистон ироа шуд,  мавриди омӯзиш қарор доданд. Дар ҷамъомади умумимактабӣ матни Паёмро директори муассиса Қодир Саидов қироат кард.

Муфассал...

МАШВАРАТИ ОМӮЗИШӢ ДАР ШАҲРАК

Дар Ҷамоати шаҳраки Файзобод семинар-машварати ноҳиявӣ оиди ҳуҷҷат ва ҳуҷҷатгузорӣ баргузор шуд. Дар машварат раисон, котибон ва сармутахассисон оид ба танзим ва ҷашну маъракаҳои ҳамаи ҷамоатҳои деҳоти ноҳия иштирок доштанд. Ҳамчунин дар кори машварат мудирони шуъбаи умумӣ ва бахши рушди иҷтимоӣ ва робита бо ҷомеаи дастгоҳи раиси ноҳия, бахш оид ба корҳои дин  Абдукарим Пиров,  Нурзода Сафарбег ва Латипов Равшан ҳузур доштанд.

Муфассал...

БО АЗМИ ҚАВӢ

Эълон намудани соли 2017-ум «Соли ҷавонон»  ғамхории навбатии Сарвари давлат нисбат ба насли имрӯза ва боварии бузургаш ба неруи созандаи ин табақаи  ҷамъият мебошад. Имрӯзҳо ҷавонон дар бахшҳои ҷамъиятию сиёсӣ, аз ҷумла илм, маориф, иқтисод, тандурустӣ, кишоварзӣ, фарҳанг, варзиш, ҳарбӣ саҳми арзандаи хешро гузошта истодаанд. Инро дар мисоли ноҳияи Файзобод бараъло дидан мумкин аст. Бо дастгирии раиси ноҳия Раҷабзода Миралӣ соҳибкорони маҳаллӣ ба навкориҳо машғуланд. Дар арафаи ҷашни 25-солагии истиқлолияти кишвар ба истифода додани майдончаи варзишӣ дар деҳаи Бӯстон, маркази солимгардонии ҷавонону наврасон дар деҳаи Лолагӣ, азнавсозӣ ва таъмири толори варзишӣ дар деҳаи Хӯҷамард, қомат афрохтани нишони давлатӣ дар маркази ноҳия, сохтмони муассисаҳои таълимӣ ва марказҳои савдо далели гуфтаҳои болост.

Муфассал...

Подкатегории