Вс05272018

Last updateЧт, 24 Май 2018 1pm

Матолиби тоза :
YJ Title Ticker - модуль joomla Joomla

ХАБАРҲО

КӮПРУКИ ХӮҶАМАРД - ТУҲФА БА ҶАШНИ КОНСТИТУТСИЯ

КӮПРУКИ ХӮҶАМАРД - ТУҲФА БА ҶАШНИ КОНСТИТУТСИЯДар деҳаи Хӯҷамард арафаи иди  Конститутсияи  мамлакат ду кӯпрук мавриди истифодаи сокинони деҳа  қарор дода шуд. Баҳори  соли ҷорӣ дар натиҷаи омадани сел кӯпрукҳои деҳа  корношоям шуданд. Мактаббачаҳо имкони мактаб рафтанро надоштанд. Кумитаи маҳаллаи деҳа таъҷилӣ рафтуомади мактабиёнро тавассути кӯпруки муваққатӣ ташкил намудаву дар фикри  бунёди  кӯпруки нав шуданд. Кори дастҷамъонаи мардум самараи нек дод.

Муфассал...

СИПОСГУЗОРИИ ҶАВОНОН АЗ РАИС

Ҷавонони шаҳраки Лолагӣ солҳо орзуи ташкили майдончаи варзиширо доштанд.  Онҳо чанд маротиба барои ҷудо намудани қитъаи замин ба идораҳои дахлдор муроҷиат карда бошанд ҳам, дастгирӣ наёфтанд. Имсол  бо аризаи дастҷамъона ҷавонон аз раиси ноҳия муҳтарам Раҷабзода Миралӣ дархост намуданд, ки дар ин кор онҳоро дастгирӣ кунад. Хоҳиши ҷавононро раис пазируфта, як қитъаи заминро барои сохтани майдончаи варзишӣ дар шаҳраки Лолагӣ иҷозат дод.

Муфассал...

МАШВАРАТ ДАР КАРСАНГ

Дар пойгоҳи институти хокшиносии АИКТ дар ҳамкорӣ бо лоиҳаи “Идоракунии экологии замин ва беҳдошти воситаҳои зиндагӣ дар деҳот” машварати минтақавӣ дар мавзӯи “Усулҳои пешгирии таназзулёбии нишебизаминҳо” баргузор гашт. Ҳадаф аз баргузории ин машварат дар алоқа бо арзишҳои илмӣ таъмини рушди соҳаи кишоварзӣ ва пешниҳодҳо оид ба усулҳои ҷадиди баланд бардоштани ҳосилнокии заминҳо баҳри ташаккул додани маърифати истифодабарии самаранокии замин мебошад. Ин омили коргузорӣ ба мо имкон медиҳад, ки минбаъд дар ҳудуди кишварамон амнияти бехатарии озуқавориро таъмин намоем. Дар машварати мазкур баробари олимону коршиносон инчунин Раёсати кишоварзии шаҳру ноҳияҳои тобеи ҷумҳурӣ ва намояндагони хоҷагиҳои деҳқонӣ ширкат доштанд.

Ҳасан АСОЕВ. 

МУЛОҚОТИ ПЕШВОИ МИЛЛАТ БО ВАЗИРИ КОРҲОИ ХОРИҶИИ ҶУМҲУРИИ ТУРКИЯ МЕВЛЮТ ЧОВУШОҒЛӢ

Дар Қасри Миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Вазири корҳои хориҷии Ҷумҳурии Туркия Мевлют Човушоғлуро ба ҳузур пазируфтанд.

Дар мулоқот ҳолати кунунӣ ва дурнамои робитаҳои дуҷонибаи Тоҷикистону Туркия ва дигар масоили умдаи рӯз мавриди баррасӣ қарор дода шуд.

Муфассал...

ЧОРГОНИКХО –ФАЙЗИ ҚУДУМИ САРВАРИ ДАВЛАТ

Арафаи ҷашни мубораки 25-солагии Истиқлолияти давлатии Ҷумҳурии Тоҷикистон хушхабаре дар ҷумҳурӣ паҳн гардид, ки пеш аз ҳама боиси хурсандии мо, мардуми диёр гардид. Санаи 24 август дар таваллудхонаи рақами 1-и шаҳри Душанбе сокини деҳаи Даштимарзо Шаҳодатхон Нуралиева якбора чор тифл  - ду духтару ду писар таваллуд кард. Аз ин пеш ин оила соҳиби ду духтарчаи дӯстрӯяк - Раҳмияю Шукрона буданд. Мардуми деҳа тавлиди чоргоникҳоро файзи қудуми Сарвари давлат Эмомалӣ Раҳмон медонанд, ки ду сол пеш ба деҳаи онҳо омадаю ба хонадони ҳар як сокини он файзу баракат, хушрӯзию пирӯзӣ, барору комёбӣ таманно намуда буд.

Муфассал...

ИНШООТИ ҶАШНӢ МАВРИДИ ИСТИФОДА ҚАРОР ГИРИФТАНД

Дар арафаи иди Истиқлолияти давлатии  кишварамон чорабиниҳои идона ва мавриди истифода қарор гирифтани як қатор иншоот дар ҷамоатҳои шаҳраку деҳоти ноҳия  доир гардид.

Дар расми кушодашавии  аксари  иншооти ҷашнӣ раиси ноҳия узви Маҷлиси миллии Маҷлиси Олии  Ҷумҳурии Тоҷикистон Раҷабзода Миралӣ ширкат намуда, сокинони деҳотро ба Рӯзи Истқлолияти давлатӣ муборакбод гуфт.

Муфассал...

ТАВАҶҶУҲ БА СОҲАҲОИ ИҶТИМОӢ ЗИЁД АСТ

Пешрафту ободии ҳамаи соҳаҳои ноҳия ҳангоми таҳияи буҷаи маҳаллӣ аз таҳлили ҳаматарафа ва таҳияи  асосноки  соҳаҳо аз ҷониби кормандони Раёсати молияи ноҳия  вобастагии калон дорад. Аз зери назари онҳо дурнамои ягон соҳа  ақиб нахоҳад монд. Рақамҳои аз ин ниҳод ба дасти мо расида умедбахшанд, зеро агар соли 2000-ум ба буҷаи ноҳия 728147 сомонӣ  даромад шуда бошад, пас соли 2015 ин рақам ба 34711800 сомонӣ расидааст. Хароҷот бошад аз 693046 сомонии соли 2000 дар соли 2015 33476604 сомониро ташкил медиҳад, яъне дар зарфи понздаҳ сол қисми даромад қариб панҷоҳ  маротиб афзудааст. Даромадҳо аз ҷамъи андозҳои маҳаллӣ   агар соли 2000-ум 143271 сомонӣ бошад пас соли 2015 ба 15936362 сомонӣ расид, ки ин 111 маротиб афзудааст.

Муфассал...

ВОХӮРИИ СУДМАНД

Дар арафаи ҷашнгирии 25-солагии Истиқлолияти давлатии ҷумҳурӣ дар муассисаи Шабакаҳои барқи ноҳия бо иштироки Асрориддин Соҳибов, сардори Хадамоти энергетикии мудофиаи граждании Шабакаҳои барқи марказӣ, Нуриддинов Мақсуд сардори Хадамоти таъмири таҷҳизотҳои барқии хизматрасонии хатҳои кабелии “Барқи тоҷик” вохӯрӣ баргузор гардид.

Асрориддин Соҳибов оид ба дастовардҳои шабакаҳои барқи марказӣ ва комёбию пешравиҳо дар даврони Истиқлолият назди ҳозирин сухан гуфт.

«НФ».

БОЗОРИ НАВ

Дар арафаи 25-умин солгарди Истиқлолияти давлатии Ҷумҳурии Тоҷикистон соҳибкор Файзалӣ Сайдалиев аз деҳаи Хамисавраи Ҷамоати деҳоти Ҷавонон бо дастгирии раиси ноҳия ва хазинаи Оғохон  дар қисмати ҷанубии деҳаи Чаноро, назди шоҳроҳ бозорчаи маҳсулоти кишоварзиро сохта, мавриди истифода қарор дод.

Сокинони Ҷамоати деҳоти Ҷавонон ва сафариён метавонанд бо нархи арзон аз бозорча харидорӣ кунанд.

Бобо ҲОКИМ.  

Подкатегории