Пн09242018

Last updateПт, 21 Сен 2018 2pm

Матолиби тоза :
YJ Title Ticker - модуль joomla Joomla

ХАБАРҲО

СОЛИ ХОТИРМОН БУД СОЛИ 2017

 

Акбар Кенҷаев, раиси маҳаллаи деҳаи Кенҷаобод:

Соле, ки рафт, барои маҳаллаи мо-Кенҷаобод соли пурфайзу бобарор ва хотирмон буд. Кӯшишу талошҳои ҷавонони деҳа буд, ки пеш аз оғози  Даҳсолаи байналмилалии амал “Об барои рушди устувор, солҳои 2018-2028” бо дастгирии Барномаи ҷонибдории манотиқи куҳистон (Хазинаи Оғохон) аз масофи дур ба деҳа оби тозаву софу зулол  оварда  шуд ва  орзуву ормонҳои чандсолаи мо- сокинони деҳаи Кенҷаободи Ҷамоати ба номи Дӯстмурод Алиев  ҷомаи амал пӯшид.

Мо боз  даҳҳо нақшаву  амалҳои дигарро дар соли оянда тарҳрезӣ намудем.

Робия САЛИМОВА, директори осорхонаи таърихӣ-кишваршиносии ноҳия:

- Мо барои бою ғанӣ гардондани осорхона кӯшишҳои зиёд карда, ба мақсадҳои дилхоҳи худ расидем. Дар осорхона вобаста ба воқеаҳои муҳими сол, хусусан «Соли ҷавонон», таърихи ин диёри куҳанбунёд, дастовардҳои муҳими имрӯзаи сокинони ноҳия гӯшаҳои махсус ташкил намудем.

Заҳматҳои мо бар абас нарафтанд. Осорхонаи Файзобод дар озмуни ҷумҳуриявии «Оинаи таърих», ки ба муносибати 20-солагии Ваҳдати миллӣ эълон шуда буд, ҷойи дуюмро соҳиб шуда, сазовори Дипломи Вазорати фарҳанги Ҷумҳурии Тоҷикистон ва мукофоти пулӣ гардид. Ин мукофотро раиси ноҳия Раҷабзода Миралӣ дар вазъияти тантанавӣ ба ман супурд, ки, албатта, дар хотир дер гоҳ боқӣ мемонад.

Президенти Тоҷикистон муҳтарам Эмомалӣ Раҳмон ба тозагӣ соли 2018-ро «Соли сайёҳӣ ва ҳунарҳои мардумӣ» эълон намуд. Акнун, фикр мекунам, масъулияти мо дучанд зиёд шуд. Вобаста ба ин ният дорем, ки дар осорхона гӯшаҳои алоҳида бо дастранҷҳои усто Солеҳбеки машҳур, Ҳалима Шарифоваи чевар ва Сайёра Раҳимоваи рассом ҷудо намоем. Ниятҳо дар сурате амалӣ мегарданд, ки бахши фарҳанг, раисони ҷамоатҳои шаҳраку деҳот ба мо дасти ёрӣ дароз кунанд.    

Абдулло  Табаров, омӯзгори  мактаби рақами 60:

- Соли 2017 дар лавҳи хотираҳо нақши доимӣ гузошт. Ин соле буд, ки баъд аз солҳои тӯлони маро боз ба мактаб, назди фарзандони халқ овард. Басо кайфияти  аҷиб дорад бо наврасон дарс гуфтан, шеваи ҳарф омӯхтан.  Дар ростои зиндагӣ соле чанд  баҳри дарёфти ризқу рӯзӣ  дар муҳоҷирати корӣ, берун аз кишвар  будем ва шукр, ки фарзандон адои таҳсилу  пайи кору вазифа шуданд ва дигар эхтиёҷ ба сафар нест.  Ният кардам , ки донишу таҷриба ва малакаи кориамро дубора барои Ватан- таълиму тарбияи насли наву ҷавон бахшам. Ва шукр, ки ин ҳама ба соли рафта –соли 2017 рост омад. Мактабу мактабиён, волидайни онҳо низ аз таҷрибаи корам розӣ ва ман аз ин боварии онҳо сари ифтихор дорам. Муаллим вақте аз худ розӣ ҳаст, ки ҳам шогирд, ҳам мактаб ва ҳам оила аз ӯ розӣ аст. Ман кӯшиш мекунам, ки аз зумраи ҳамин гуна омӯзгорон бошам.

Ҷунайдулло КАРИМОВ, мудири бахши кор бо ҷавонон ва варзиш:

- Муҳимтарин воқеае, ки соли 2017 дар ҳаёти ман рух дод, таъйин шуданам ба вазифаи мудири бахши кор бо ҷавонон ва варзиши ноҳия мебошад. Бори вазнини чунин масъулиятро моҳи март ба дӯш гирифтам. Азбаски Пешвои миллат, Президенти кишвар муҳтарам Эмомалӣ Раҳмон дар Паёми навбатии худ соли 2017-ро «Соли ҷавонон» эълон намуда буд, бо мақсади ба соли ҳақиқии ҷавонон табдил ёфтани сол нақшаи чорабиниҳоро такмил дода, кӯшиш кардем, ки бештар навигариҳоро рӯйи кор биёрем. Аз хусуси ташкили «Шоми ҷавонон» бо ифтихор сухан ронда метавонам, ба он далел, ки ин чорабинии ҳарҳафтаинаро ҷавонон хуш пазируфтанд. Суҳбату андешарониҳо хеле ҷолиб буданду истироҳату фароғат ҳам. Дар ин бобат бахши фарҳанг фаъолона моро дастгирӣ кард.

Дар бораи дастовардҳои варзишӣ ба таври хосса қайд кардан мехоҳам. Ду нафар ҷавони файзободӣ – яке Гулбиддин Раҳматзода (аз деҳаи Мӯминобод) ва дигаре Маҳмадшариф Наҷмиддинов (аз деҳаи Ҷавонон) дар мусобиқаҳои байналмилалӣ иштирок карда, ҷойҳои ифтихориро соҳиб шуданд.

Модоме сухан аз варзиш  меравад, бояд инро ҳам бигӯем, ки соли гузашта барои инкишофи соҳа, обутоби ҷисмонии  ҷавонон корҳои боз ҳам муҳимтар ба анҷом расонда шуданд. Дар саросари ноҳия 66 адад майдончаҳои волейбол ба ихтиёри ҷавонон супурда шуд. Бо 30 ҳазор сомонии аз буҷаи ноҳия ҷудогардида гирду навои майдончаҳои варзишии деҳаҳои Кабкрез, Арзанова, Лолагиро панҷарабандӣ намудем.

Ҳиссаи ҷавонон дар ободкорию дарахтшинонӣ арзандаи гуфтан аст. Бо ибтикори бахши ҷавонон ва варзиш дар ҳудуди 9 ҷамоати амалкунанда беш аз 15 ҳазор ниҳол сабз карда шуд.

Офтобхон АБДУЛЛОЕВА, омӯзгори фанни забони русии муассисаи таҳсилоти миёнаи умумии рақами 20:

- Соли гузашта барои мо, занон аз он ҷиҳат хотирмон буд, ки меъёри истифодаи барқ бардошта шуд. Акнун мо тамоми фасли сол шабонарӯзӣ аз неруи барқ истифода мебарему мушкилии рӯзгори мо осон гардид.

«ГУЛИСТОН» НОМИ РОЗИБЕК НАЗРИБЕКОВРО ГИРИФТ

 

Вакилони Маҷлиси вакилони халқи ноҳия дар иҷлосияи  навбатӣ, ки рӯзи 25 декабр доир гардид, пешниҳоди комиссияи номгузории назди мақомоти иҷроияи ҳокимияти давлатии ноҳияро дар бораи иваз намудани   номи кӯчаи Гулистони шаҳраки Файзобод ба номи  Назрибеков Розибек маъқул донистанд. Ҳамчунин вакилон пешниҳоди Кумитаи забон ва истилоҳоти  назди Ҳукумати Ҷумҳурии Тоҷикистон оид ба иваз намудани  номҳои  ғайримеъёрии ҷуғрофии Ҷамоати деҳоти Бӯстон мавзеи Бошбулоқ ба Саричашма, дараи Узбекҳо ба дараи Ҳамдилон, дар Ҷамоати деҳоти Вашгирд мавзеи Қарамайдон ба мавзеи Карамайдон, дар Ҷамоати  деҳоти ба номи Дӯстмурод Алиев мавзеи Байдара ба мазеи Войдара, дар Ҷамоати деҳоти  Чашмасор мавзеи Узбакӣ ба  мавзеи  Себзор, чарогоҳи Узбакӣ ба чарогоҳи Испандҷо, чашмаи Қара ба чашмаи Кара, дар Ҷамоати деҳоти Қалъаи дашт дараи Қортҳо ба дараи Чағоразор ва чашмаи  Қортҳо ба  чашмаи  Чағоразорро  дастгирӣ намуданд.

 Раиси ноҳия  Раҷабзода Миралӣ  ба масъулин супориш дод, ки чорабинии насби лавҳаи хотиравиро дар яке аз биноҳои кӯчаи ба номи  Розибек Назрибеков  дар арафаи ҷашни Наврӯз баргузор намоянд. 

 

ҲАМОИШИ ҶАВОНОН БА ИФТИХОРИ РӮЗИ КОНСТИТУТСИЯ

Конститутсия ин бахтномаи миллат, ин шаҳқонунест, ки тамоми арзишҳои умумибашарӣ, миллӣ ва уҳдадориҳои шаҳрвандонро дар худ таҷассум мекунад. Ин аст, ки ҳамасола дар сар то сари кишвар 6 ноябр рӯзи Конститутсия ҷашн гирифта мешавад. Ба ҳамин хотир рӯзи 2 ноябри соли равон дар толори хурди театри халқии ноҳия мизи мудаввар дар мавзӯи «Конститутсия кафили боэътимоди давлати демократӣ» бахшида ба 23-солагии Конститутсияи Ҷумҳурии Тоҷикистон бо ибтикори Бахши кор бо ҷавонон ва варзиши ноҳия доир гардид. Дар ҳамоиши илмӣ кормандони Мақомоти иҷроияи ҳокимияти давлатии ноҳия ва фаъолҷавонон иштирок намуданд. Сафарбек Нурзода мудири шуъбаи рушди иҷтимоӣ ва робита бо ҷомеа баромад намуда, маълумотҳои илмии ҷолиберо ба мо, ҷавонон пешниҳод намуданд. Боиси қайд аст, ки Мақомоти иҷроияи ҳокимияти давлатӣ бо ҷавонони фаъол ҳамкорӣ мекунад. Суҳбати озод дар ин ҳамоиш имкон дод, ки маълумотҳои наву тозаро оиди Конститутсияи Ҷумҳурии Тоҷикистон нисбати ҷавонон пайдо кунем. Дар анҷоми ҳамоиш ҷавонон ба барпокунандагони чунин чорабинии маърифатӣ изҳори миннатдорӣ баён намуданд.

ҒОЛИБИ ОЗМУНИ «БЕҲТАРИН ОИЛАИ ҶАВОН»

Соли 2017 - Соли ҷавонон

 

Иттилоъ дода будем, ки бахшида ба Соли ҷавонон бо Амри Президенти Ҷумҳурии Тоҷикистон ва ибтикори Кумитаи кор бо занон ва оилаи назди Ҳукумати Ҷумҳурии Тоҷикистон гузаронидани озмуни  ҷумҳуриявии фарҳангӣ-маърифатӣ таҳти унвони «Беҳтарин оилаи ҷавон» эълон гардида буд. Ин озмун дар се давр – даври аввал дар ҷамоатҳои шаҳраку деҳот, даври дуюм дар сатҳи ноҳиявӣ ва даври сеюм дар сатҳи ҷумҳурӣ доир мегардид.

Даври ноҳиявӣ рӯзи 9 ноябр дар пешайвони Филармонияи халқии ба номи Нигина Рауфова баргузор шуд. Дар он 6 ҷуфт оилаҳои ҷавони беҳтарин аз ҷамоатҳои шаҳраку деҳот иштирок намуда, аз рӯи шартҳои озмун, ки аз бахшҳои рӯзгордорӣ, маънавӣ, фароғатӣ, ҳаҷвӣ, фарҳангӣ, андарзӣ иборат буд, байни худ мусобиқа намуданд. Дар ҷамъбаст намояндаи оилаи ҷавон аз Ҷамоати шаҳраки Файзобод Эҳсон Зубайдов ва ҳамсараш Гулдастаи Маҳмадулло сазовори ҷойи аввал ва унвони «Беҳтарин оилаи ҷавон», Нарзулло Хоҷаев ва ҳамсараш Роҳила Дӯстзода аз Ҷамоати деҳоти Мискинобод сазовори ҷойи дуюм ва унвони «Оилаи соҳибмаърифат», Мақсудшоҳ Сафаров ва ҳамсараш Савринисо Зайниддинова аз Ҷамоати деҳоти Ҷавонон соҳиби ҷойи сеюм ва унвони «Оилаи соҳибхирад», оилаҳои ҷавон Шарофиддин Файзуллоеву Мадина Шарифова аз Ҷамоати деҳоти Бӯстон, Худойназар Гулмуродзодаю Мавзуна Ризоева аз Ҷамоати деҳоти ба номи Дӯстмурод Алиев, Субҳиддин Маҳмадиеву Наврӯза Раҷабова аз Ҷамоати деҳоти Қалъаидашт соҳиби унвони «Оилаи намунавӣ» гардиданд.

Воқеан, ғолиби озмуни «Беҳтарин оилаи ҷавон» Эҳсон Зубайдов хатмкардаи Донишгоҳи давлатии тиббии Тоҷикистон ва Гулдастаи Маҳмадулло хатмкардаи коллеҷи тиббии ноҳия буда, дар Соли ҷавонон оилаи нав барпо кардаанд. Бо ин ғолибият охири моҳи ноябр ин оилаи ҷавон дар озмуни ҷумҳуриявӣ иштирок хоҳанд кард.

Муовини раиси ноҳия Н.Раҷабова озмунро ҷамъбаст намуда ба ғолибон ва оилаҳои беҳтарини насли калонсол, аз ҷумла ба  Пайкамоҳ Муғниева – модаре, ки фарзандонашро ихтиёран ба сафи Қувваҳои  Мусаллаҳ фиристодааст, (аз Ҷамоати деҳоти Мискинобод), Сипоснома ва туҳфаҳои мақомоти иҷроияи ҳокимияти давлатии ноҳияро супорид.

ШОҲНОМАХОНИИ МАКТАБИЁНИ НОҲИЯ ДАР ДУШАНБЕ

Дар доираи  баргузории ҷашнвораи ҳафтуми  байналмилалии «Китоби Душанбе», ки дирӯз  дар Театри давлатии академии опера ва балети ба номи С. Айнӣ ифтитоҳ ёфт, намояндагон аз Россия, Ӯзбекистон, Туркманистон, Қазоқистон, Қирғизистон, Туркия, Франсия, Украина, Беларус, Корея, Озарбойҷон, Ҳиндустон, Покистон, Афғонистон, Чин, ИМА ва Британия ширкат доранд. Дар намоишгоҳ баробари намоиши  маводи чопию таҷҳизоти полиграфӣ,  инчунин дар доираи он барномаҳои гуногун, аз қабили маҳфилҳои шеъру суруд, муаррифии китобҳои тозанашр, суҳбату озмунҳо дар назар аст.

 Аз ҷумла   шогирдони муассисаҳои таълимии ноҳияи мо ҳам  дар маҳфили «Шоҳномахонӣ»  ширкат намуда, сазовори таҳсини  меҳмонони ин ҷашнвора гардиданд.

СИЁСАТМАДОРИ ВАРЗИДАЮ МУБОРИЗИ ФАЪОЛИ СУЛҲУ ОСОИШ

16 НОЯБР -

РӮЗИ ПРЕЗИДЕНТИ

ҶУМҲУРИИ ТОҶИКИСТОН

Хушсурату хушқомате чун Рустами Дастон,
Хотири адолат шуда эҳё Анӯшервон.

Дар рӯзи ғами миллати бечораю сарсон,
Дар байни заминею само волаю ҳайрон.

Оре, ӯ диле дошт пур аз меҳр ба миллат,
Аз сӯйи Худованд бишуд Раҳбари давлат.

Ҳар ҷо, ки сухан дар бораи шахсиятҳои барҷастаи миллат меравад, кас барои изҳори андеша ба душворӣ мувоҷеҳ мегардад. Зеро зиндагии чунин шахсиятҳо худ намунаи муборизаву азхудгузаштанҳо ва ҷоннисориҳост. Вақте ки таҷлили Рӯзи Президенти Тоҷикистон дар кишвари мо роҳандозӣ гардид, пешорӯи ҳар як фарди аз хурд то бузурги ин миллат хизматҳои аз доираи андеша берун, матонату ҷасорати аз андоза беруни ин марди шариф ҷилвагар мешавад. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки яке аз сиёсатмадорони варзидаи ҷаҳони муосир, муборизи фаъоли арсаи сулҳу осоиштагӣ дар тамоми дунё шинохта мешавад, тавонист бо неруи ақлу заковати азалӣ ва донишу фазилати баланд кишвари ҷангзадаи моро дар як муддати нисбатан кӯтоҳ аз бӯҳрони офатбори ҷанги бародаркушӣ наҷот диҳад. 

Президенти ҶТ, Сарвари давлат ва Ҳокимияти иҷроия, ҳомии Конститутсия ва қонунҳо, ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдориву бардавомии давлат, мураттабии фаъолияти мақомоти давлатӣ ва ҳамкории онҳо, риояи шартномаҳои байналмиллалии Тоҷикистон мебошад.
Заминаи таърихии ин ид 6 ноябри соли 1994 мебошад, ки бо баргузории нахустин интихоботи президентӣ дар даврони соҳибистиқлолӣ гардид ва Эмомалӣ Раҳмон баъд аз маросими савгандёдкунӣ ба вазифаи Президенти ҶТ, ки Конститутсияи Тоҷикистони соҳибихтиёр муқаррар намудааст, шурӯъ намуд. Рӯйдоди мазкур дар таърихи навтарини Тоҷикистон ҳамчун рӯзи қабули нахустин Конститутсияи давлати соҳибистиқлол ва зуҳуроти ягонагии миллату давлат боқӣ мондааст. Баъди қабули Конститутсия ва интихоби Президент аз соли 1994 дар таърихи навини кишварамон марҳалаи нав оғоз ёфт. Ва барои беҳтар шудани зисту зиндагии мардум шароити мусоид фароҳам омад. Бо назардошти ҳамаи ин бояд таъкид намуд, ки Рӯзи Президенти Ҷумҳурии Тоҷикистонро мо бояд ҳамасола ба таври бошукӯҳ таҷлил намоем, чунки Пешвои миллат, Президенти Тоҷикистон ҳамчун шахсияти барҷастаи миллат, ки дар бунёди низоми давлатдории Тоҷикистони соҳибистиқлол, барқарорсозии сохти конститутсионӣ, ба даст овардани сулҳу ваҳдати миллӣ саҳми беназир гузошта,тибқи Конститутсияи Ҷумҳурии Тоҷикистон соли 1994 дар асоси овоздиҳии умумихалқӣ аввалин Президенти ҶТ интихоб шуда, дар эъмори давлати соҳибихтиёр, демократӣ, ҳуқуқбунёд, дунявӣ ва иҷтимоӣ нақши арзанда дошта, миллатро аз парокандагӣ, давлатро аз нестшавӣ ва халқро аз ҷанги шаҳрвандӣ раҳо карда, дар рушди сиёсӣ, иқтисодиву иҷтимоӣ ва таърихиву фарҳангии давлати мустақили Тоҷикистон хизматҳои бузурги тақдирсоз намудааст.
Муҳимияти таҷлили Рӯзи Президенти ҶТ дар он аст, ки мардуми мо бояд фаъолияти пурсамару ибратбахши Пешвои миллат, Президенти Тоҷикистонро қадр намоем, зеро маҳз бо шарофати ӯ ва сиёсати пешгирифтаву муваффақонааш ӯ дар роҳи ободии ватан, арҷгузорӣ ба таърихи бостонии миллат ва ташаббусҳои созандаи ӯ ҷомеаи ҷаҳонӣ ба Тоҷикистон бо нигоҳи боэътимоду хайрхоҳона назар дорад.
Гузашта аз ин, рақамҳо гувоҳи ҳоланд, ки танҳо дар даврони сарварии ин марди содиқу бошарофат, кишвари ҷангзадаю аз лиҳози иқтисодиёт дар пояҳои поёнӣ қарордоштаи мо, ҷаҳиши бузургеро пушти сар намудааст. Зеро дар тамоми соҳаҳо мо ба маротиб ба муваффақияту пешравиҳо ноил гардидаем. Ҳамаи ин бо розигии Худованд ва ҳидояту раҳанамоӣ ва роҳбарии хирадмандонаи Асосгузори сулҳу ваҳдати миллӣ-Пешвои миллат, Президенти Тоҷикистон муҳтарам Эмомалӣ Раҳмон ба мардуми мо даст додааст. Аз ин хотир аст, ки тамоми мардуми кишвар таҷлили ин ҷашни ба дил наздикро бо қалбҳои саршор аз муҳаббат ва миннатдории самимӣ аз чунин раҳбари хирадманду закӣ пешвоз мегиранд.

ХИЗМАТ БА ВАТАН ҚАРЗИ ҶАВОНМАРДИСТ

Дар асоси фармони  Президенти мамлакат «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1990-1999 Ҷумҳурии Тоҷикистон ба хизмати ҳарбӣ” аз   1 октябри  соли равон дар ҳамаи шаҳру навоҳиҳои мамлакат маъракаи даъватӣ оғоз ёфт. Дар ноҳияи мо ҳам тибқи  қарори раиси ноҳия ба маъракаи  имсолаи даъвати наваскарон ҳамаҷониба омодагӣ гирифта шудааст.

Имсол пеш аз оғози маъракаи даъват бо иштироки раиси ноҳия, узви Маҷлиси миллии Маҷлиси олии кишвар Раҷабзода Миралӣ ва падару модарон, даъватшавандаҳо ва фаъолони деҳоту масъулони маърака дар толори филармонияи халқии ноҳия   вохӯрии  хотирмон баргузор шуд, ки он як суҳбати ошкороро  мемонд. Раҷабзода Миралӣ зимни мулоқот аз камбудиву саркашии баъзе даъватшавандаҳо дар маъракаи мазкур ҳарф зад.

Ҳамчунин сардори ШВКД-и ноҳия А. Каримов низ сари масъалаи мазкур сухан кард. Дар вохӯрӣ падару модарон андешаҳои хешро баён доштанд. Маълум гашт, ки бисёр ҷавонон майли ихтиёрӣ ба комиссариати ҳарбӣ омаданро доранд, танҳо корҳои ташвиқотиро дар ин самт миёни ҷавонони даъватшаванда  зиёд намудан лозим аст.

Натиҷаи чунин ҳамкориҳо бо ҷавонон буд, ки дар “Рӯзи даъватшаванда”,  ки 4 октябр дар толори варзишии филармонияи халқӣ доир гардид, беш аз 25 нафар  даъватшаванда  ҳозир шуданд. Баъди  аз комиссияи тиббӣ гузаштан  ҳамаи онҳоро ба хизмати Ватан-Модар  гусел намуданд.

Боиси қайд аст, ки имсол ҳам “Рӯзи даъватшаванда” хотирмон баргузор шуд. Дар оғоз раиси ноҳия Раҷабзода Миралӣ ҳамаи даъватшудаҳоро барои ба хизмати Ватан-Модар омода шудан табрик гуфта, афзуд, ки хизмат дар сафҳои Қувваҳои мусаллаҳи кишвар иҷрои қарзи фарзандӣ, шарафу номуси ҳар ҷавонмард ба ҳисоб меравад.

Чун даъватҳои гузашта ҷавонони Ҷамоати деҳоти Чашмасор дар рӯзи аввали даъвати наваскарон нақшаро иҷро карданд.

Даъватшаванда Ҳалимов Аҳлиддин  ҳамаи ҳозиринро боварӣ бахшид, ки бо сари баланд хизмати  Ватан-Модарро ба анҷом мерасонад.

Дар анҷоми  чорабинии мазкур ба падару модарони даъватшавандаҳо  аз номи МИҲДН туҳфаҳои хотиравӣ тақдим гардид.

Лозим ба ёдоварист, ки  то рӯзи 20 октябр нақшаи даъвати наваскарон дар Ҷамоатҳои деҳоти Меҳробод, Қалъаидашт ва  ба номи Дӯстмурод Алиев низ  иҷро шуд.

fy;text-indent:14.15pt;line-height:120%;mso-layout-grid-align:none; text-autospace:none;vertical-align:middle'>Ҳар касе дорад забон бодавлат аст.

ЧОРАБИНИИ ИДОНА

Ба ифтихори бистусеюмин солгарди қабули Конститутсияи Ҷумҳурии Тоҷикистон дар толори филармонияи халқии ноҳия чорабинии идона бо шукӯҳу шаҳомати хосса баргузор шуд. Раиси ноҳия, узви Маҷлиси милии Маҷлиси Олии Ҷумҳурии Тоҷикистон Раҷабзода Миралӣ зимни баромади худ ҳозиринро ба ин Рӯзи хотирмон муборакбод намуд. Раиси суди ноҳия Қудратзода С.Қ. аз аҳамияти таърихии ин ҳуҷҷати тақдирсоз сухан кард.
Дар анҷоми чорабинии идона санъаткорони ноҳия бо ҳунарнамоии худ табъи ҳозиринро болида гардониданд. Чунин чорабиниҳои идона дар ташкилоту муассисаҳои ноҳия баргузор шуда, аз эҳтирому арҷгузории сокинони ноҳия ба ин ҳуҷҷати муҳими тақдирсози миллат гувоҳӣ медиҳад.

“ДАҲСОЛАИ БАЙНАЛМИЛАЛИИ ОБ БАРОИ РУШДИ УСТУВОР” ОБИ ТОЗА

Яке аз бузургтарин муъҷизаи табиат, ин офариниши об дар сайёраи замин аст. Ба ақидаи олимони соҳаи табиатшиносӣ 3 – 3,5 миллиард сол пеш аз ин организмҳои зинда маҳз дар об ба вуҷуд омадааст. Дар ҳақиқат об неъмати ҳаётан муҳим барои ҳар як мамлакат ва сокинони он мебошад. Одамон аз замони қадим ин ҷониб тақдири худро бо об пайваст кардаанд. Маҳз аз давраҳои қадим инсоният дар соҳилҳои дарёҳои бузурги Нил, Сиру Ому,   Волга, Рейну  Дунай мезистанд, барои ризқу рӯзии худ кишту кор мекарданд. Норасоии оби тозаро имрӯз аз се як ҳиссаи аҳолии сайёра ҳис мекунанд. Оби тоза шарти асосии ҳаёт ва ҷузъи таркибии тамоми унсурҳои биосфераи сайёра мебошад. Ҷойгиршавии оби тоза дар сайёра нобаробар аст. Беш аз 2 миллиард нафар одамон норасоии шадиди ин неъмати Худододро эҳсос мекунанд. Бо баробари рушди муносибатҳои демографӣ масъалаи оби тоза торафт мураккабтар мегардад.  Таваҷҷуҳи ҷомеаи ҷаҳониро ба оби ошомиданӣ ба назар гирифта Президенти Ҷумҳурии Тоҷикистон Эмомалӣ Раҳмон дар баромадаш чунин қайд карданд: «Ҳамагон бояд фаҳманд, ки арзишмандии оби тоза на камтар аз арзишмандии нафт, газ ва дигар навъҳои сӯзишвориву манбаъҳои энергия барои ояндаи босуботи кишвар ва минтақа мебошад».

Дар Ҷумҳурии Тоҷикистон 55, 4 фоизи ҷараёни миёнаи бисёрсолаи дарёҳо аз ҳавзаи баҳри Арал ташаккул меёбад. Аз ин рӯ, арзишмандии истифодаи оби ошомиданиро ба эътибор гирифта, Ҳукумати Ҷумҳурии Тоҷикистон аз декабри соли 2001 таҳти № 551 «Дар бораи тасдиқи консепсияи истифодаи самаранок ва ҳифзи захираҳои об дар Ҷумҳурии Тоҷикистон»   қарор қабул кард.

Обро минерали нодиртарини захираҳои табиӣ арзёбӣ намудаанд. Ягон моддаи дигар обро иваз карда наметавонад. Шукрона аз он, ки дар диёри азизи мо ин муъҷизаи нодир бештар ба назар мерасад. Захираҳои оби тоза ва зулол, обҳои шифобахш дар Ҷумҳурии Тоҷикистон хело зиёд аст. Обҳои ошомиданӣ дар кӯлҳои Сарез, Зоркул, Яшикул, Искандаркул ҷойгир шудааст. Захираҳои обҳои Тоҷикистон бештар дар пиряхҳо дида мешавад. Дар ҳудуди Ҷумҳурии Тоҷикистон 8492 пирях ба ҳисоб гирифта шудааст, ки асоси оби тозаи ошомиданиро ташкил медиҳад. Ҳар яки моро зарур аст, ки ба ҳифз кардани оби тоза ва сарсабзу хуррам гаштани диёри офтобиамон камари ҳиммат бандем. Дар ин бора дар қонуни ҳифзи табиат омадааст: «Фарзанди инсон, ки худ зодаи табиат аст, фақат дар ҳолати доштани меҳру муҳаббат ба табиат метавонад ватанпарвар бошад». Муҳимтарин роҳи ҳифзи оби тоза ин пеш аз ҳама истифодаи оқилонаи он мебошад. Тоза нигоҳ доштани оби тоза ин гарави саломатии инсоният мебошад.

Подкатегории