Вс03242019

Last updateПт, 15 Март 2019 3pm

Матолиби тоза :
YJ Title Ticker - модуль joomla Joomla

ИФТИХОР

КОНСТИТУТСИЯ – ШОҲКИТОБИ ДАВРОНИ ИСТИҚЛОЛИЯТ

Дар ҳама давру замонҳо бо зуҳури давлату давлатдорӣ зарурати муайян сохтани сохтор, ба низом овардани муносибатҳои мухталифи табақаҳои иҷтимоии ҷомеа, ҳуқуқу манфиатҳои одамон, тарғиби идеология ва пойдории давлату ҷамъият санаде мураттаб мешуд, ки фарогири ҳама ҳадафҳои давлат бошад. Ин санад дар таърих бо унвони Конститутсия эҷод гардид ва то имрӯз ҳамчун санади асосӣ шинохта мешавад. Тоҷикистон маҳз дар замони истиқлолияти сиёсию давлатӣ бо ибтикор, омӯзиш ва талошҳои Президенти мамлакат Эмомалӣ Раҳмон соҳиби шоҳкитоби давраи истиқлолиятамон – Конститутсияи Ҷумҳурии Тоҷикистон гардид. Конститутсияи Ҷумҳурии Тоҷикистон 6 ноябри соли 1994 дар раъйпурсии умумихалқӣ қабул карда шуд. 26 сентябри соли 1999, 22 июни соли 2003 ва 23 майи соли 2016  ба тариқи раъйпурсии умумихалқӣ ба Конститутсияи Ҷумҳурии Тоҷикистон тағйиру иловаҳо ворид гардид. Мо дар зер андешаҳои ду бонуи соҳибиқболи диёрро оиди паҳлуҳои Конститутсияи Ҷумҳурии Тоҷикистон меорем.

Подробнее...

ДАР КОРГАҲИ КӮЗАГАР

Ҳангоми аз назаргузаронии   бойгониам чашмам ба сурате афтод, ки онро беш аз чил пеш аксбардорӣ карда будам. Дар ин расм   Зарафохола миёни шогирдон  ҳангоми кор, ки ба кузаи сохтааш нақш мегузошт акс ёфта буд.  Бо дидани расм    ёди солҳои пешин чун навори кино аз назар мегузаштанд. Ва гӯё Зарафохола бо ҳамон чеҳраи зебо ва лафзи ширинаш хитобам мекард:- дидӣ писарам, нақши дастамро дар ҳунарам ба ёдгор гузоштаву   рафтам. Ин лаҳза рафтам думболи хаёлоти умри рафта…

Подробнее...

Ӯ ЗЕБИ САД ҲУНАР ДОРАД

 

Сайёра Раҳимова. Ин зани ситорагарми ҳалиму меҳрубонро бо маҳсули дастони пурҳунараш дар ноҳия аксарият мешиносанд. Дастони муъҷизаофари ӯ на танҳо зиннати маъракаҳои диёр, инчунин чорабиниҳои сатҳи ватанианд. Ба ёд меояд, ки чанд сол пеш ӯ дар озмуни ҷумҳуриявии «Ҳунарҳои дастии занони минтақаи Рашт», ки дар ноҳияи Рашт баргузор гардида буд, бо дӯхтани акси Асосгузори сулҳу ваҳдати миллӣ-Пешвои миллат Эмомалӣ Раҳмон, ки болои онро навиштаҷоти «Зиҳӣ модаре, ки ҳомии сулҳ офарид» зеб медод, сазовори ҷойи якум гардид. Аввал бисёриҳо гумон карданд, ки симои офаридаи Сайёра амали рассомист. Лек вақте бо чашми сар диданд, ки он акс бо ришта моҳирона дӯхта шудааст, таҳсин гуфтанд. Дар ҳақиқат акси инсонро офаридан бо ришта беҳад нозуку душвор буд. Як кӯки ноҷо симои аслиро тағйир медиҳад. Он расм аз тарафи Кумитаи кор бо занон ва оилаи назди Ҳукумати Ҷумҳурии Тоҷикистон ба Сардори давлат ҳадя карда шуд, ки мавриди таваҷҷуҳи Эмомалӣ Раҳмон қарор гирифт. Баъдтар акси Президент бо харитаи Тоҷикистону кабутар, ки маънои суханони ӯ «Ман ба шумо сулҳ меоварам»-ро дошт, аз номи мардуми Файзобод ба Сардори давлат ҳадя карда шуд.

Подробнее...

ТАҲСИН БА “ОФАРИН-5050”

Даҳсолаи охири даврони истиқлолият дар саросари кишвар аз ҷумла дар ноҳияи мо ҳам, коргоҳҳои истеҳсолӣ рӯйи кор омаданд. Маркази хизматӣ-маишии ҶДДМ “Хизмат” (КБО)-и пешинро бисёриҳо медонанд. Он дар ноҳия ягона коргоҳест, ки пас аз пош хӯрдани иттиҳоди шӯравӣ ва хусусӣ гардиданаш дар самти худ фаъолият дорад. Ба наздикӣ соҳибкор Мирзоалӣ Алиев, роҳбари коргоҳи мазкур, бо саҳмгузории Абдузоир Боронов дар назди “Хизмат” дар ҳаҷми 100 ҳазор сомонӣ сехи коркарди қоғази ташнобро ба роҳ монд. Сехи мазкур дар як шабонарӯз тавони коркарди 300 кг қоғазпораро дорад.

Подробнее...

ҒУНЧАҲОИ САНЪАТИ ФАЙЗОБОД ДАР ТВ «БАҲОРИСТОН»

Бастакори немис Бетховен таъкид мекунад, ки «мусиқӣ дар қалби кас аланга ба вуҷуд меоварад». Воқеан ҳам, ин аланга ҳамасола дили ҳазорон-ҳазорон наврасони дилбохтаи санъатро тасхир сохтаву сӯи дабистонҳои ҳунарӣ раҳнамун месозад. То онҳо   навохтани асбобҳои мусиқиро аз бар намоянду ҳунару истеъдодашонро сайқал диҳанд. Зеро таҳсил дар чунин мактабҳо ақлу заковат, дарку зеҳни баланд мусиқӣ, садову шунавоии хуб доштанро тақозо мекунад, ки на ба ҳар наврас он муяссар мегардад. Аз ин хотир фаъолияти чунин мактабҳои ҳунарӣ   дар ҷомеа аз манфиат холӣ нест.

Хушбахтона, соли 1974 дар ноҳия мактаби мусиқӣ ба фаъолият шурӯъ кард, ки соли 2009 дар заминаи он мактаби санъат таъсис ёфт ва имрӯз дар рушди фарҳанги ноҳия   саҳми босазо мегузорад. Тайи ин муддат зиёда аз ҳазор нафар дӯстдорони санъат мактаби мазкурро хатм намуда   пайи шуғли дӯстдоштаи хешанд.

Имрӯзҳо ба дилбохтагони санъати ноҳия 20 нафар омӯзгор дар навохтани асбобҳои мусиқии фортепианно, най, ғиҷҷак, рубоб, дутор, рубоби бадахшӣ, дойра, кларнета, флейта, синфҳои драма, рақс, санъати тасвирӣ ба 233 хонанда дарс мегӯянд.

Қаблан мактаб бинои худро надошту аз як макон ба дигар макон кӯчонида мешуд ва ин албатта ба рафти сифати таҳсил халал мерасонд. Соли 2004 бо дастгирии мақомоти иҷроияи ҳокимияти давлатии ноҳия ва собиқ раиси ноҳия Абдуқодир Давлатов   мактаб ба бинои куҳнаи боғчаи рақами 1 кӯчонида шуд. Ин дастгирӣ он замон боиси рӯҳбаландии омӯзгорону хонандагон гардида буд.

Соли 1990 ба ифтихори 40-солагии Ҳофизи халқии Тоҷикистон Дӯстмурод Алиев мактаб ба номи ӯ гузошта шуд. Ҳамин аст, ки ҳамасола   моҳи апрел коллективи омӯзгорону хонандагон бахшида ба ҷашни зодрӯзи ин ҳунарманди нотакрор консерти хонандагонро пешкаши ҳаводорони созу навои ӯ мегардонанд. Имсол низ чун анъана дар толори филармонияи халқӣ барномаи ҳунарии хонандагони мактаб баргузор гардид.

Барномаи консертиро ровигии Шодмеҳри Иқболҷону Рӯҳафзо Гулова, найнавозии Вафову Қадриддин, рубобнавозии Шукруллову Саидбек, фортепианнанавозии Фарзона, Аслиддин ва Шаҳзода, дуторнавозии Шукронаву Ҳадятулло, флейтанавозии Сайфулло, кларнетанавозии Хусрав, дар рубоби кашқарӣ навохтани Субҳон, Бахтиёр, Ҷовидон ва Меҳроб, ғижжакнавозии Аслиддин, сурудхонии Шаҳобуддин, Осима, Фаррух, Сафиаллоҳ, Аслиддин, Шукрона, Вафо, Абдусаттор, рақсҳои ҷаззоби Садорату Судоба, ансамблҳои доиранавозону рубобнавозон, саҳнаҳои ҷолиби синфи драма хело тамошобобу диданӣ гардониданд.

Барномаи консертӣ ба пуррагӣ дар телевизиони дӯстдоштаи бачаҳо «Баҳористон» манзури тамошобинон гардонида шуд.

Барномаи консертии хонандагон аз оҳанги Дӯстмурод Алиев «Чун дили ман лолазор» дар иҷрои ансамбли асбобҳои халқӣ оғоз ёфтаву бо суруди «Чашми тоҷик»-и ӯ дар иҷрои Вафо Мусулмонзода ба анҷом расид. Санъаткорони наврас бо ҳунари волои худ нишон доданд, ки   пайрави сазовори мактаби ҳунарии Дӯстмурод Алиев, ҳофизе, ки бо овози ширадору марғуладораш дар дилу дидаи мардум ҷо гирифтааст, ҳастанд.

Подкатегории