Вт11132018

Last updateЧт, 08 Нояб 2018 3pm

Матолиби тоза :
YJ Title Ticker - модуль joomla Joomla

ВАРЗИШ

ВАРЗИШГОҲИ ФАЙЗОБОД ТУҲФА БА ҶАВОНОНИ ДИЁР

Имрӯзҳо дар ҳама ҷо, вақте ки сухан аз таҷлилу баргузории 26-солагии Истиқлолияти давлатии кишвар меравад, аввалтар аз ҳама пеши назар дигаргуниҳои бунёдӣ, ободкориҳои чашмгир ҷилвагар мешавад. Чаро ки ҳамаи ин дигаргунию ободкориҳо, рушду пешрафтҳоро мо дар симои ноҳияи худамон бараъло мушоҳида мекунем. Таври ба ҳама маълум симои имрӯзаи ноҳияи Файзобод аз 26 сол муқаддам ба куллӣ дигаргун гаштааст. Ҳамаи ин аз шарофати Ваҳдати миллию Истиқлолияти давлатӣ ба даст омадааст. Бунёди роҳҳои мошингузар дар сатҳу сифати пешрафтаву замонавӣ, сохтмони корхонаву муассисаҳо ва мағозаву дӯконҳои гуногун дар ду тарафи шоҳроҳи марказии ноҳия, бунёди муассисаҳои таълимӣ, бунгоҳҳои тиббӣ, дар сатҳи баланду олӣ бунёд гардидани толору майдончаҳои варзишӣ, корхонаву коргоҳҳои хурду миёнаи истеҳсолӣ эътиқоду боварии мардумро ба фардои аз ин ҳам дурахшон бештару зиёдтар менамояд.

Бахусус дар арафаи ҷашни 26-солагии Истиқлолияти давлатӣ боз як хурсандии дигаре мардуми шарифи ноҳияи моро интизор аст. Дар арафаи ин ҷашни пуршукӯҳ ба истифода додани варзишгоҳи марказӣ ва замонавие, ки дорои ҳама гуна утоқу толорҳои тамринӣ аст ва ҷавонони саодатманди ноҳия солҳои сол орзуи онро доштанд, ба амал мепайвандад. Варзишгоҳи нав дорои наздик ба 4000 ҷойи нишаст буда, бо навтарин асбобу таҷҳизотҳои варзишӣ таъмин аст. Дар кори сохтмону ба анҷом расидани корҳои омодагӣ дар бунёди ин сохтмони азим корхонаву муассисаҳои зиёди хурду бузурги кишварамон саҳм дошта, интизор меравад, ки навбати аввали он то ҷашни 26-солагии Истиқлолият анҷом ёфта ба истифода дода мешавад. Бинои мудаввари зебо ва замонавии атрофи варзишгоҳ ба ҳусни шаҳрсозии  ноҳияамон ҳусни тоза зам мекунад. Дар утоқу толорҳои зиёду гуногуни  ин бинои муҳташам ҷавонони ноҳияамон имкон доранд, ки қариб дар ҳамаи риштаҳои варзиш тамрин намоянд. Воқеан ба истифода дода шудани варзишгоҳи нав туҳфаи арзандаест ба мардуми шарифи ноҳияи Файзобод дар арафаи ҷашни 26-солагии Истиқлолияти давлатӣ ва Соли ҷавонон.

Б. ҲИКМАТУЛЛО.  

ФАЙЗОБОД ДАР САФИ АВВАЛ

Ба истиқболи 20-солагии рӯзи Ваҳдати миллӣ ва Соли ҷавонон   дар толори қасри фарҳанги ноҳия мусобиқаи кушоди ҷумҳуриявӣ аз намуди гӯштини миллӣ миёни  наврасони соли таваллудашон 2000-2002 баргузор гардид. Дар мусобиқа гӯштингирони наврас  аз шаҳри Душанбе, Ваҳдат, Норак, Ҳисор ва Хуросону Рӯдакӣ иштирок доштанд.

Чӣ тавре директори мактаби варзишӣ И. Ғиёсов ба мо иброз намуд, дар мусобиқа шарафи ноҳияамонро   зиёда аз 60 нафар варзишгарон   ҳифз намуданд. Дар сабқати мазкур, ки аз рӯйи 8 вазн баргузор гардид, намояндагони ноҳияи мо қариб дар ҳамаи вазнҳо мақомҳои ифтихориро соҳиб гардиданд.

Подробнее...

РОҲИ ВАСЕЪ БА ВАРЗИШ

РОҲИ ВАСЕЪ БА ВАРЗИШДавоми 25 соли соҳибистиқлолии кишвар дар самти сиёсати давлатии   ҷавонон тағйироти куллӣ ба миён омад. Дар ҳама соҳаҳо ҷавонон аҳлона баҳри пешрафти Тоҷикистони соҳибистиқлол саҳм гузоштанд.

Подробнее...

ХӮҶАМАРД БОЗ СОҲИБИ ШОҲҶОИЗА

Дар арафаи таҷлили ҷашни Наврӯз бо иқдоми бахши ҷавонон, варзиш ва сайёҳии ноҳия чорабиниҳои зиёди варзишӣ доир гардид.

Мусобиқаи «Сарбози Ватан» дар ду давр ҷавонони зиёдеро гирд овард, ки онҳо маҳорати хешро   намоиш доданд. Ба  даври ҷамъбастии  мусобиқаи мазкур 9 даста аз муассисаҳои таълимии  ноҳия роҳхат  гирифтанд. Ҷойҳои аввалро  дар мусобиқаи варзишии «Сарбози Ватан»  муассисаҳои таълимии рақамҳои 35,33 ва 59  бо ҳам диданд.

Подробнее...

ПАҲЛАВОНИ ХӮҶАМАРД

Варзиш саломативу зебоист. Ҳар ки бо варзиш шуғл дорад, бешубҳа солиму бардам аст. Маҳз варзишгарону санъаткорон дар дунё бо ҳунару паҳлавониашон шуҳратёранд. Паҳлавоне, ки дар борааш мегӯем, зодаи деҳаи Хӯҷамард аст. Ӯ пайваста машқу тамрин мекунад.  Мекӯшад, дар риштаи гӯштин то ба қуллаҳои баланди варзиш барояд.

Маҳмадшариф Наҷмиддинов аз овони хурдӣ зери роҳбарии мурабиёни варзидаи диёр Абдуқодир Зокиров,Самандар Қаландаров ва Маҳмадалӣ Мирзоев нозукиву усулҳои гӯштини миллиро омӯхтааст.

Подробнее...

ГУЛБИДДИН ДАР РОССИЯ ПЕШСАФ АСТ

Чанде пештар дар муассисаи таҳсилоти миёнаи умумии рақами 38 (деҳаи Мӯминобод) ҷамъомаде барпо гардид, ки дар он аз дастовардҳои варзишии Гулбиддин Раҳматзода боифтихор сухан рафт.

Гулбиддин кист ва чӣ дастоварде дорад, ки омӯзгорони таълимгоҳи мазкур аз номи ӯ ифтихор мекунанд?

Подробнее...

ДУ МЕДАЛИ ТИЛЛО АЗ ХАТЛОН

Рӯзҳои 6-7 марти соли ҷорӣ дар шаҳри Кӯлоби вилояти Хатлон мусобиқаи ҷумҳуриявӣ ба гиромидошт ва дарёфти ҷоми устоди варзиши иттиҳоди шуравӣ Шариф Саидов аз намуди гӯштини миллӣ дар вазнҳои 65-75кг баргузор гардид. Варзишгарони ноҳияи мо ҳам дар ин мусобиқа иштирок намуданд. Дар қувваозмоии зикршуда Азизулло Икромов (дар вазни 65кг) ва Маҳмадшариф Наҷмиддинов (дар вазни 75кг) ҷойи аввалро соҳиб шуданд.

Алидод Рабиев дар вазни 70кг мақоми сеюмро ишғол намуд. Ғолибон ҷоми мусобиқаро соҳиб шуданд.

Подробнее...

БА ДАВРИ ҶУМҲУРИЯВӢ БО ҲАШТ ИМТИЁЗ

БА ДАВРИ ҶУМҲУРИЯВӢ БО ҲАШТ ИМТИЁЗЧанде пеш дар асоси нақша-чорабинии Кумитаи олимпии Ҷумҳурии Тоҷикистон дар шаҳри Ваҳдат мусобиқаи омодагии интихобӣ ба бозиҳои олимпии наврасон Буэнос Айрес-2018 оид ба Дзю-до аз рӯйи барномаи ҳамбастагии Олимпӣ-2016 бо иштироки ҷавонпаҳлавонон аз шаҳру навоҳии тобеи марказ баргузор гардид. Дар ин мусобиқа тарбиятгирандагони навраси мактаби варзишии ноҳия, ки зери роҳбарии мураббиёни варзида Маҳмадалӣ Мирзоев, Неъматулло Икромов ва Сунатулло Мирзоев тамрин мекунанд, ширкат варзиданд.

Подробнее...

ПАҲЛАВОН

Варзиш ин саломативу зебоист. Ҳар кӣ бо варзиш шуғл меварзад, бешубҳа   саломатию комёбиҳо насиби ӯст.   Маҳз варзишгарон дар дунёи шуҳрат мувофиқ ба қобилияту ҳунари худ шуҳратёр мегарданд. Ба ин васила дар таърихномаҳову   ёди мухлисонашон нақш мебанданд.

Паҳлавоне, ки мо дар борааш ҳарф мезанем, зодаи деҳаи Ҷонварсӯз асту хатмкардаи Донишкадаи тарбияи ҷисмонии кишвар. Ӯ пайваста машқу тамрин мекунад. Мекӯшад, то ба қуллаҳои баланди   варзиш дар риштаи гӯштинг ноил гардад.

Подробнее...

Подкатегории