Вс05272018

Last updateЧт, 24 Май 2018 1pm

Матолиби тоза :
YJ Title Ticker - модуль joomla Joomla

ИҶТИМОЪ

МОҲИ ҲУНАРМАНД

Моҳ Ятимзода ҳангоми дар мактаб хонданаш ният дошт, ки дар оянда ҳунарманди кошонаи ҳусн бошаду ҳуснбахши бонувон гардад. Пайи амалӣ шудани мақсадаш аз модараш, ки ҳунарманди «Кошонаи ҳусн» буд, нозукиҳои ҳунар омӯхт. Ва ба кор ба корхонаи «Кошонаи ҳусн», ки дар қабати дуюми бинои ҶДММ «Хизмат» ҷойгир аст, омад. Рӯзе ба коргоҳ даҳҳо бонувон барои ороиши мӯи сару ба тартиб даровардани мӯю рухсора ба назди ӯ меоянд. Ӯ инчунин барои навхонадоршавандагон либосҳои шинами домодию арӯсӣ тайёр карда бо нархи дастрас пешкаш менамояд. Дар давоми соли гузашта Моҳ Ятимзода ба 47 нафар либосҳои шинами домодию арӯсӣ дӯхт.

Муфассал...

ПУШАЙМОНАМ

Чанд ҳафта пеш баъд аз дарс аз донишгоҳ баромада, дар истгоҳи Шаҳраки донишҷӯён интизори хатсайри мусофирбарии  8  шудам. Азбаски қисмати зиёди донишҷӯён аз дарс ҷавоб шуда буданд, дар мусофирбар ҷойи нишаст набуду ман бо азобе худро ҷо кардам. Дар ҳамин ҳолат зани тақрибан 25-27-сола дар даст борхалтаи пур омада рост истод. Ман ҷойи худро ба ӯ додам. Зан бо «раҳмат»-гуфтан ба сухан оғоз кард. Ӯ аз ман соли таваллуд, дар кадом факултет таҳсил кардан ва оиладор будан ё набуданамро пурсида ба нақли саргузашти худ оғоз намуд.

Муфассал...

ПЕШ АЗ НИКОҲ МУОИНАИ ТИББӢ ҲАТМИСТ

Оила барои ҳар як инсон муқаддас ба ҳисоб рафта, солимии муҳити оила низ аз шартҳои муҳим маҳсуб меёбад. Тарбияи фарзанд чун яке аз омилҳои муҳим барои ҷомеа аз муҳити оила вобастагӣ дорад. Агар  муҳит солим бошад, фарзанд солим ба воя мерасад ва муҳити ҷомеа низ солим мегардад.

Муфассал...

ФИДОИ ЯК ДУОЯТ

Аё модар, фидои як дуоят,

Бигӯ бар ман, кӣ ҳастам аз бароят.

Агар олим, агар донову бино,

Манам хокистаре дар пеши поят.

Муфассал...

ЗИНДАГИРО АЗ ТЕАТР МЕЁБЕД

Театр инсонро комил мегардонад. Он воситаи пуриқтидортарини таъсиррасонӣ ба тафаккури инсон аст, ба ин маънӣ, ки одам худро дар саҳна дида, рӯйдодҳои зиндагиро муқоиса менамояд. Васеътар гӯем, театр одамонро ба ҳам меорад, ба онҳо маслиҳат медиҳад, ёрӣ мерасонад, аз воқеоти зиндагӣ огоҳ месозад, вафодориву зиндагонии поки инсониро талқин менамояд.

Муфассал...

ЗАН ЗИННАТБАХШИ ҲАЁТ АСТ

Имрӯз тамоми занон дар ҷамъият дар баробари мардон мавқеи арзанда ва назаррас доранд. Зан пеш аз ҳама Модар аст ва новобаста аз вазифа ва уҳдадориҳои дар ҷомеа доштааш дар оила масъулияти бузургеро ба уҳда дорад. Модароне ҳастанд, ки ба ташвишҳои рӯзгор машғул шуда барои фарзандонашон кам вақт ҷудо менамоянд, ки ин боиси ба амалҳои номатлуб даст задани фарзандон мегардад. Ҳар модар бояд, ки фарзандашро омӯзонад ва он чизе, ки ба ӯ нофаҳмост, фаҳмонад. Чунки пояи устувори инсонӣ ин модар аст, яъне фарзанд ба монанди деворест, ки хишти аввали онро модар мегузорад

Муфассал...

ДУРДОНАИ ХУШПАЙҚАДАМ

ДУРДОНАИ ХУШПАЙҚАДАМИшқу муҳаббат бузургтарину волотарин эҳсос аст, ки вақте дар қалби инсонӣ шӯъла меафканад, барояш миллат, мазҳаб, дурии роҳ, норозигии волидон бегонаю нодаркоранд. Дурдонаю Давлатро ишқу муҳаббати самимию заминӣ, аҳди содиқу меҳру вафо ба ҳам овард.

Муфассал...

СУПОРИШИ ҚАТЪИИ РАИС

Деҳаи мо дар фасли зимистон назар ба дигар деҳаҳои диёр серборишу қаҳратун аст. Махсусан боридани барфи баланд рафтуои мардумро душвор мегардонад. Бо мақсади дар фасли зимистон тоза кардани роҳҳои мошинагарду одамгард аз барф мардуми деҳа маблағ ҷамъ карда як булдозери К-100 хариданд. Ин булдозер солҳо мушкилоти сокинони деҳа ва деҳаҳои дигарро сабук мегардонид. Мутаассифона, ду сол қабл ин булдозер беному нишон гардид. Хушбахтона, баъди аз асли воқеа хабардор шудан бо супориши бевоситаи раиси ноҳия Раҷабзода Миралӣ булдозер ба хизмати мардуми деҳа баргардонида шуд ва бо кӯмаки раиси маҳалла Лутфулло Маҷнунов аз нав таъмир гардид.

Муфассал...

ИСТИҚЛОЛИЯТ НЕЪМАТИ БЕБАҲОСТ

Истиқлолият нишони барҷастаи пойдории давлат, бақои миллат, рамзи асолату ҳуввият, мазҳари ормонҳои таърихӣ, шиносномаи байналмилалӣ, шарафу эътибор ва ба ҷаҳони мутамаддин пайвастани кишвари соҳибистиқлоли мо мебошад ва инчунин рамзи олии ватану ватандорӣ буда,  миллати тоҷикро  бузургтарин неъмати давлатсозию давлатдории мустақил, кору пайкорҳои пайгиронаи созандагӣ, азму талошҳои фидокоронаи расидан ба истиқлолияти сиёсӣ, иқтисодӣ ва фарҳангиро омӯзонд.

Муфассал...

Подкатегории