Чт09202018

Last updateСр, 19 Сен 2018 3pm

Матолиби тоза :
YJ Title Ticker - модуль joomla Joomla

ИҶТИМОЪ

САРОҒОЗИ ИДҲОИ БАҲОРӢ

(Чанд сатр аз маҷлиси идона ба шарафи таҷлили Рӯзи Модар дар ноҳия)

Баҳор бо омад-омади худ ба дилҳо шодию сурур мебахшад. Дар ин фасл сабзаҳо аз миёни хазони худ сар мекашанд, ғунчаҳо аз баландии шохаҳои ҳанӯз урён чашми худро во мекунанд, чашмаҳо озодона нафас мегиранд ва таронаашон равона мегардад, лонаҳои холии мурғакони муҳоҷир аз қум-қуму чув-чуву чаҳ-чаҳ сарошор мешавад. Ҳама чиз тоза, ҳама ҷо тоза, ҳама ҳавасу муҳаббат тоза. Ва одам ҳам мехоҳад чун табиат ҷавонӣ ёбад, поку покиза гардад, дар зери борони файзбори найсон мисли уқобон пару бол занад, ғубори солҳоро аз дилу дидаю хотираҳо бишӯяд ва дар моҳи аввали ин фасли зебо – моҳи март, ки ид болои ид аст. Маҳз дар ин моҳи муборак мо иди модарону хоҳарон, иди матбуоти тоҷик ва Наврӯзи оламафрӯзро бо шукӯҳу шаҳомати хосса таҷлил менамоем. Ҳамасола бо шукуфтани нахустин муғчаи гулҳо, ки нишон аз эҳёи табиат ва фасли баҳори гулбасар аст, мавсими иди  арҷгузорию эҳтироми хоса ба Модар оғоз мегардад.

Подробнее...

ФАРХУНДАПАЙИ НАВРӮЗ

Тоҷикистон дар оғӯши Баҳор аст. Ба гулшанкишвари мо Баҳору Наврӯз паиҳам меоянд. Баҳору Наврӯз хоҳарони ҷонианд, балки модару духтаранд. Баҳор Наврӯзро тавлид мекунад.

Дар пушта баҳори гулбасар омадааст,

Дар кишта баҳори сабзу тар омадааст.

Як соли дароз сайри олам карда,

Наврӯз ба кулвори сафар омадааст.

Подробнее...

ДИЁРАМОНРО САБЗУ ХУРРАМ ГАРДОНЕМ

Бо фарорасии мавсими ниҳолшинонӣ ва кабудизоркунӣ мардуми меҳнатқарини ноҳияи Файзобод аз аввали сол  камари ҳиммат баста, дар ин самт як қатор корҳои заруриро ба анҷом расониданд. Фоида ва аҳамияти ниҳолшинонию кабудизоркуниро қариб ҳар як фарди ноҳияи мо хуб эҳсос менамоянд.

Подробнее...

ПЕШВОИ ХУДРО ДӮСТ ДОРЕМ

Мо медонем, ки аз 25 соли соҳибистиқлолӣ қариб 10 солаш ба ором намудани тарафҳои муқобил ва барҳам додани хисороти ҷанг сарф шуд. Дар 15 соли охири даврони соҳибистиқлолӣ дар шаҳрдорию шароити зиндагии тоҷикон дигаргуниҳои куллӣ ба амал омаданд. Сохтмони манзили зисти шаҳрвандон ба 70 соли замони шуравӣ баробар шуд ва ҳатто аз он ҳам гузашт.

Подробнее...

МОҲИ ҲУНАРМАНД

Моҳ Ятимзода ҳангоми дар мактаб хонданаш ният дошт, ки дар оянда ҳунарманди кошонаи ҳусн бошаду ҳуснбахши бонувон гардад. Пайи амалӣ шудани мақсадаш аз модараш, ки ҳунарманди «Кошонаи ҳусн» буд, нозукиҳои ҳунар омӯхт. Ва ба кор ба корхонаи «Кошонаи ҳусн», ки дар қабати дуюми бинои ҶДММ «Хизмат» ҷойгир аст, омад. Рӯзе ба коргоҳ даҳҳо бонувон барои ороиши мӯи сару ба тартиб даровардани мӯю рухсора ба назди ӯ меоянд. Ӯ инчунин барои навхонадоршавандагон либосҳои шинами домодию арӯсӣ тайёр карда бо нархи дастрас пешкаш менамояд. Дар давоми соли гузашта Моҳ Ятимзода ба 47 нафар либосҳои шинами домодию арӯсӣ дӯхт.

Подробнее...

ГУЛИ САРИ САБАД

Дар арафаи рӯзи Иди Модарон бо супориши роҳбари Дастгоҳи иҷроияи Президенти Ҷумҳурии Тоҷикистон оид ба омодагӣ ба ҷашни Наврӯзи байналмилалӣ ва эълон гардидани соли 2017- Соли ҷавонон озмуни «Кадбонуи беҳтарин-2017» дар тамоми ҷамоатҳои шаҳраку деҳот баргузор гардид. Дар ин озмун бонувоне, ки ҳунари баланди хӯрокпазӣ, аз ҷумла омода намудани таъомҳои милливу замонавӣ, хуришҳо, шириниҳо, оростани хони идонаро доранд, ширкат варзиданд. Дар ҷамоати деҳоти Мискинобод сокини деҳаи Сарой Қурбонбӣ Ғуломова бо иҷрои пурраи шартҳои озмун ғолиб дониста шуд. Мо бо ин бонуи ҳунарманд суҳбати рӯ ба рӯ доштем.

Подробнее...

ПУШАЙМОНАМ

Чанд ҳафта пеш баъд аз дарс аз донишгоҳ баромада, дар истгоҳи Шаҳраки донишҷӯён интизори хатсайри мусофирбарии  8  шудам. Азбаски қисмати зиёди донишҷӯён аз дарс ҷавоб шуда буданд, дар мусофирбар ҷойи нишаст набуду ман бо азобе худро ҷо кардам. Дар ҳамин ҳолат зани тақрибан 25-27-сола дар даст борхалтаи пур омада рост истод. Ман ҷойи худро ба ӯ додам. Зан бо «раҳмат»-гуфтан ба сухан оғоз кард. Ӯ аз ман соли таваллуд, дар кадом факултет таҳсил кардан ва оиладор будан ё набуданамро пурсида ба нақли саргузашти худ оғоз намуд.

Подробнее...

ФАРЗАНДИ ДУ ТАБИБ

Лайлӣ Нусратова. Ин ном ба заноне, ки шарафи модарӣ насибашон гардидааст, хуб ошност. Имрӯз ӯ роҳбари маркази солимии репродуктивии дармонгоҳи ноҳия мебошад.

Лайлибону расо даҳ сол мудири шуъбаи таваллудхонаи бемористони ноҳия буд. Обрӯю нуфузи табибиаш маҳз аз ин даргоҳ боло гирифт. Табибони ноҳия Лайлӣ Нусратоваро ҳамчун мутахассиси баркамоли соҳа эътироф менамоянд. Воқеан, ӯ тахассуси табиби дараҷаи якумро дорост. Ҳамчунин ба унвони ифтихории Аълочии тандурустии Тоҷикистон мушарраф гардидааст.

Подробнее...

ФИДОИ ЯК ДУОЯТ

Аё модар, фидои як дуоят,

Бигӯ бар ман, кӣ ҳастам аз бароят.

Агар олим, агар донову бино,

Манам хокистаре дар пеши поят.

Подробнее...

Подкатегории