Чт08162018

Last updateСр, 15 Авг 2018 3pm

Матолиби тоза :
YJ Title Ticker - модуль joomla Joomla

ЭЪЛОН

НУҚТАИ БАҚАЙДГИРИИ ДОВТАЛАБОН ДАР НОҲИЯ ФАЪОЛ МЕШАВАД

Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон, ки дар ифтитоҳи бинои нави Маркази миллии тестӣ таъкид карда буданд, аз соли 2014 сар карда, Ҷумҳурии Тоҷикистон қабули донишҷӯёнро ба муассисаҳои таҳсилоти олии касбии Ҷумҳурии Тоҷикистон тавассути низоми нави имтиҳонҳои марказонидаи дохилшавӣ ба роҳ мондааст. Вобаста ба ин, Вазорати маориф ва илми Ҷумҳурии Тоҷикистон ва Муассисаи давлатии «Маркази миллии тестӣ» тайи ду соли охир бақайдгирии довталабонро дар маркази шаҳру ноҳияҳо мегузаронад. Бо дархости Маркази миллии тестӣ   мушовирони кабинети методӣ Нарзиев Ҳайбулло, Назирзода Шердил, Ҳошимов Фарҳод ва Амруллозода Ҳакимҷон рӯзҳои 7-8 феврали соли равон дар муассисаи таълимии №100 - ш. Душанбе дар семинари омӯзишӣ иштирок намуда, корманди муваққатии Маркази миллии тестӣ интихоб гардиданд. Бояд қайд намуд, ки тавассути кормандони муваққатӣ  бақайдгирии довталабон  дар Маркази эҷодии кӯдакону наврасони ноҳия  аз  2 апрел то 30 апрели соли равон баргузор мегардад. Аз ин рӯ ба Шумо, хатмкунандагон,  дастур дода мешавад, ки ҷиҳати омода шуданатон то рӯзи бақайдгирӣ аз «Роҳнамои довталаб - 2018» истифода намоед.

Касбу ихтисосро ҳатман бо ихтиёри худ интихоб намоед, зеро ки бо ин касбу ихтисос Шумо тамоми умр кору зиндагӣ мекунед.

ПЕШ АЗ САФАР ОГОҲ БОШ!

Ба таваҷҷуҳи муҳоҷирон

Бахши Хадамоти муҳоҷират дар ноҳияи Файзобод ба таваҷҷуҳи шаҳрвандон ва муҳоҷирони меҳнатӣ мерасонад, ки бинобар баргузории Ҷоми ҷаҳон оид ба футбол дар соли 2018 дар Федератсияи Россия аз санаи 25 май то 25 июли соли 2018 нафароне, ки ба шаҳрҳои Москва, Санкт-Петербург, Волгоград, Екатеринбург, Қазон, Нижний-Новгород, Ростови лаби Дон, Самара, Саранск ва Сочии Федератсияи Россия барои будубоши муваққатӣ (ё доимӣ) ва фаъолияти меҳнатӣ сафар менамоянд, бояд дар давоми як шабонарӯз аз қайд гузаранд.

Бинобар ҳамин ба шаҳрвандони Ҷумҳурии Тоҷикистон тавсия дода мешавад, ки ҳангоми сафар ба ин шаҳрҳои Федератсияи Россия то саршавии Ҷоми ҷаҳон, яъне то 25 майи соли ҷорӣ бақайдгузорӣ дар ҷойи зистро анҷом диҳанд.

Бе зарурат воридшавӣ ба ин шаҳрҳои ФР дар давраи аз 25 май то 25 июли соли равон худдорӣ намоянд. Зеро чораҳои амниятӣ аз ҷониби мақомоти дахлдори ФР дар ин давра пурзӯр гашта, қоидавайронкуниҳои ночиз метавонад боиси тадбиқи чораҳои қатъӣ аз ҷониби мақомоти дахлдор нисбати шумо гардад.

Бахши Хадамоти муҳоҷират дар ноҳияи Файзобод.

Телефон: код (8-31-35) 3-33-71

МУЗОЯДА

Нозироти андоз дар ноҳия Файзобод музоядаи моликиятҳои хоҷагии деҳқонии «Меҳробод»-ро тибқи Низомномаи тартиби фурӯши моликиятҳо рӯзи 25 феврали  соли 2017 барпо менамояд.

Подробнее...

ЯРМАРКАИ ҶОЙҲОИ КОРИИ ХОЛӢ

Фароҳам сохтани ҷойҳои нави корӣ   ва ҷалби ҳарчи бештари сокинони кишвар дар соҳаҳои гуногуни хоҷагии халқи мамлакат  яке  аз самтҳои  афзалиятноки сиёсати иҷтимоӣ давлатамон мебошад.   Дар ин самт  шуъбаи  агентии  меҳнат ва   шӯғли аҳолӣ   дар   ноҳия низ нақшаҳои зиёдеро сомон дода, дар амалисозии «Стратегияи  паст кардани  сатҳи  камбизоатӣ дар Ҷумҳурии  Тоҷикистон»  корҳои муайянеро  ба анҷом мерасонад.

Подробнее...

ЭЪЛОН!

Мақомоти иҷроияи ҳокимияти давлатии ноҳияи Файзобод барои ишғоли мансабҳои холии зерини хизмати давлатӣ озмун эълон менамояд:

1.Мудири шуъбаи ташкилӣ ва кор бо кадрҳои дастгоҳи раиси ноҳия – 1 ҷой, маоши вазифавӣ 1095 сомонӣ;

2. Мутахассиси  пешбари  бахши меъморӣ  ва шаҳрсозии назди     мақомоти иҷроияи ҳокимияти давлатии ноҳия – 1 ҷой, маоши вазифавӣ 665 сомонӣ;

Подробнее...