КАДХУДОИ ДАСТАРХОНИ МАРДУМ

Қара дар куҷое тӯю маърака мешуд, гуфтаю ногуфта чун магаси болои гандидаҳо сар мехалонд. Хӯрдагиашро мехӯрду мондагиашро мебардошт. Дар коргоҳ аз худ «оқсақол» тарошида хӯрокро ба табақҳо тақсим мекард, аз гӯшти болои табақ тез-тез ба даҳон партофта дулинҷа мехоид. Боре аз саросемагӣ гӯшт дар гулӯяш дар монда, бовар кунед қариб буд, ки мурад. Агар Содиқӣ намешуду дар тахтапушташ дунгӣ намефаровард сад фоиз мурданаш мумкин буд. Ҳамааш як тараф, қанду қандалот, нону кулчаро ба сояи дасташ ба кисаи пиҷакаш метиқонд, хаёл мекарди Қори Исмати ҳақиқист. Аз рафторхои аблаҳонаю чашми гуруснааш ҳама огоҳ буданд. Рӯзе Қодирӣ дар як нишаст савол дод:

Подробнее...

"САЙРИ ГУЛИ ЛОЛА" АЗ ОҒОЗИ СОЛ БА ОН ОМОДАГӢ БОЯД ДИД

Озмуни ҷумҳуриявии «Сайри гули лола», ки ҳамасола дар кишварамон баргузор мешавад, пеш аз ҳама ҳадафи он барои баланд бардоштани сатҳи донишу маърифат, фарҳангу ҷаҳонбинӣ, бедор намудани завқи зебоипарастӣ дар зеҳни ҳар як сокини мамлакат, ободу зебо намудани ҳар як хона, кӯча, маҳалла, деҳа, деҳот, шаҳрак, ноҳия, шаҳр, вилоят ва ҷумҳурӣ равона гардида, баҳри сазовор истиқбол намудани ҷашни 30-солагии Истиқлолияти давлатии Ҷумҳурии Тоҷикистон нигаронида шудааст.

Подробнее...

АМАЛҲОИ ХАЙРУ САВОБ

Миллати тоҷик бо анъанаю урфу одатҳои аҷдодӣ ва оинаҳои миллии хеш ифтихор менамояд. Аҷдодони мо дар вақти сохтӯмони хона бе талаби музд ба ҳамдигар ёрӣ мерасонданд, бо роҳи ҳашар ҷӯй канда, барои истифодаи умум об меоварданд, даст ба даст, тариқи ҳашар роҳ бунёд менамуданд. Ҳамчунин ба шахсони бе фарзанд, якаву танҳо, беваюу, бечора кумак мерасонданд, барои тарбияи фарзандони “бесар” маслиҳат медоданд ва ғайраву ҳоказо. Аксарияти ин анъанаҳо имрӯз ҳам аз байн нарафтаанд. Мешавад, ки аз анъанаву, урфу одатҳои мо хориҷиён ҳайрон монда, ба фарҳанги миллати мо арҷ мегузоранд. 

Подробнее...

ҚАНОАТМАНДИИ САРДОРИ ДАВЛАТ

«Мо минбаъд низ дастгирии занону духтаронро густариш бахшида, ташаббусҳои созандаи онҳоро дастирӣ мекунем».

(Аз Паёми Президенти Ҷумҳурии Тоҷикистон дар бораи самтҳои асосии сиёсати дохилӣ ва хориҷии ҷумҳурӣ. ш. Душанбе 26.12.2019)

Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон фарогири масъалаҳои асосии тамоми соҳаҳои ҳаёти иҷтимоию иқтисоди кишвар ва сиёсати дохиливу хориҷии ҳукумати мамлакат аст. Бо мақсади ҳамаҷониба ба мардум расонидани муҳтавои Паёми имсола дар асоси нақшаи чорабиниҳои таблиғотии Мақомоти иҷроияи ҳокимияти давлатии ноҳия дар ҳудуди ҷамоатҳои шаҳраку деҳот гурӯҳҳои корӣ ташкил гардида, бо мардум вохӯриҳо доир мегарданд. Ба ин гурӯҳҳо намояндагони сохторҳои ҳифзи ҳуқуқ ва бахшҳои алоҳидаи мақомоти маҳаллӣ шомиланд. Гурӯҳе, ки ба он муовини раиси ноҳия Н.Раҷабова роҳбарӣ менамояд, қариб дар тамоми деҳаҳои Ҷамоатҳои деҳоти Бӯстон, Меҳробод, Вашгирд вохӯриҳо гузарониданд. Чуноне ки ба мо иштирокчии имсолаи Маҷлиси Паёми ироанамудаи Президенти мамлакат, мудири бахши кор бо занон ва оилаи мақомоти иҷроияи ҳокимияти давлатии ноҳия Г. Халифаева иттилоъ дод, дар ин вохӯриҳо ӯ чун сарвари бонувони диёр асосан ба масъалаҳои кору фаъолияти занону духтарон, ки Пешвои миллат бевосита дар Паёмашон ишора намуданд, изҳори назар кардаанд. Воқеан, Сардори давлат дар Паём  аз ҷумла қайд кардаанд: «Занону духтарон дар ҷомеаи имрӯзаи мо нақши фаъол дошта дар аксари соҳаҳо, бахусус дар бахшҳои иҷтимоӣ бештар кору фаъолият менамоянд. Мо минбаъд низ ҷиҳати амалӣ намудани фармони Президент доир ба баланд бардоштани мақоми занон дар ҷомеа чораҳои зарурӣ андешида, занону бонувони лаёқатмандро ба вазифаҳои давлатию роҳбарӣҷалб мекунем. Бо қаноатмандӣ изҳор медорам, ки занону бонувони мамлакат дар татбиқи сиёсати давлат баробари мардон кору фаъолият намуда, дар рушди ҷомеаи демократӣ ва ҳуқуқбунёду дунявӣ саҳми арзанда гузошта истодаанд».

Подробнее...

ДАЪВАТ БА АСКАРӢ-ОМОДАГӢ БА ИН МАЪРАКАИ МУҲИМРО АЗ ИМРӮЗ ОҒОЗ КУНЕМ!

Имрӯзҳо омодагии даъвати ҷавонон ба сафи қувваҳои мусаллаҳи кишвар дар ноҳия рафта истодааст. Хизмат ба Ватан-Модар қарзи шаҳрвандӣ ва номуси миллии ҳар як ҷавонмарди ба нангу ори диёр аст. Дар ин маърака омодагии Ҷамоатҳои деҳоти Бӯстону Меҳробод ва ба номи Дӯстмурод Алиев айни ҳол чашмрасанд. Тибқи маълумоти пешниҳоднамудаи Комисариати ҳарбии ноҳия ҳолати сафарбарии наваскарон аз ҷониби ҷамоатҳои шаҳраку деҳоти ноҳия то ба имрӯз нигаронкунанда аст.

Подробнее...

САДА ОИНИ ҚАДИМИИ МОСТ

Сада яке аз ҷашнҳои қадимаи халқиятҳои ориёиннажод ба шумор меравад, ки рӯзи 10-уми моҳи Баҳмани солшумории шамсӣ таҷлил мегардид ва мутобиқи солшумории милодӣ ба поёни шаби 30-юм ва оғози рӯзи 31 - уми январ рост меояд. Метавон гуфт, ки Сада пас аз 40 шабонарӯзи омадани Шаби ялдо ё худ пас аз гузаштани чиллаи калони зимистон фаро расида, чун гиромидошти ойини оташпарастӣ ва бузургдошти Меҳр истиқбол гирифта мешуд.

Подробнее...

ЧАКАНДӮЗ

Дар солҳои рушди сайёҳӣ ва ҳунарҳои мардумӣ, эътироф шудани “Чакан” ҳамчун мероси фарҳангии ғайримоддии башарият шаҳодати эътирофу эҳтироми ҷомеаи ҷаҳонӣ нисбат ба тоҷикон ҳамчун миллати соҳибтамаддун ва дорои таъриху фарҳанги бостонӣ мебошад.

Подробнее...

ТУҲФАИ СОЛИНАВИИ МО

Касе дар обуна бологузар шуд,

Худо ҳозир, к-ӯ таҳти назар буд.

Ташаккур бар ҳама волоназарҳо,

Агар раҳбар набуд, ё роҳбар буд.

Подробнее...