НАБЗИ ФАЙЗОБОД

Ҷавонони шаҳраки Лолагӣ солҳо орзуи ташкили майдончаи варзиширо доштанд. Онҳо чанд маротиба барои ҷудо намудани қитъаи замин ба идораҳои дахлдор муроҷиат карда бошанд ҳам, дастгирӣ наёфтанд. Имсол бо аризаи дастҷамъона ҷавонон аз раиси ноҳия муҳтарам Раҷабзода Миралӣ дархост намуданд, ки дар ин кор онҳоро дастгирӣ кунад. Хоҳиши ҷавононро раис пазируфта, як қитъаи заминро барои сохтани майдончаи варзишӣ дар шаҳраки Лолагӣ иҷозат дод.

Имрӯзҳо корҳои тахту ҳамвор намудани майдони варзишӣ аз ҳисоби маблағҳои буҷаи маҳаллӣ оғоз гардида, ҷавонону наврасони шаҳрак дар суръат бахшидани кор ҳисса мегузоранд.

Ҷавонон аз дастгириҳои раиси ноҳия нисбати дархосту хоҳишашон хурсанд гардида, азм намудаанд, ки минбаъд ҳам дар кору таҳсил ва иштирок дар корҳои ободонию созандагӣ фаъолтар хоҳанд шуд.

З. ЗАРИФОВА, вакили Маҷлиси вакилони халқи ноҳия
аз ҳавзаи интихоботии Лолагӣ №10.