ХАБАРҲО

ДАСТИ ДУЪО

Бояд эҳсос намуд, ки Пешвои муъаззами миллат Эмомалӣ Раҳмон мардумро, миллаташро дӯст медорад. Мани пири ҳафтодсола инро аз ҳар як суханаш ҳис мекунам. Ман пирона шеър мегӯяму Пешвои миллатро, то тавонам, васф менамоям.

Обрӯю эътиборат бахти мо,

Гуфтугӯи дилпазират бехато.

Бо забони ноб мегӯӣ сухан,

Мефизояд рангу ҳусни анҷуман.

Тоҷикистонро намоён кардаӣ,

Парчамашро зеби даврон кардаӣ.

Бахту иқболат муборак Пешво,

Давлатат поянда обод раҳнамо!

Нури Истиқлол бо доди Худо,

Дод моро раҳнамои бовафо.

Мекашӣ заҳмат барои миллатат,

Офарин, сад офарини ҳимматат.

Доимо обод бошӣ, сарбаланд,

Ҳам тану ҷонат раҳояд аз газанд.

Пешаи кори ту хушҳолии мо

Аҳли оламро бувад дасти дуъо.