НАБЗИ ФАЙЗОБОД

Дар Ҷамоати деҳоти Мискинобод ба ҷашни Наврӯз тайёрии хуб дида истодаанд. Дар ҳудуди ҷамоат масофаи се километри байни деҳаҳои Мисикнободу Заркамар таъмиру мумфарш карда шуда корхонаи коркарди меваю сабзавот дар деҳаи Сарой мавриди истифода қарор гирифт. Бо ташаббуси соҳибкор Алиҷон Очилов ҳамоми замонавӣ, мағозаи дуқабатаи либосворию хӯрокворӣ бунёд гардид. Тибқи нақшаи ҷамоат соли равон дар деҳаи Фатҳобод маркази саломатӣ сохта, бунгоҳҳои тиббии деҳаҳои Фатҳободу Сарой таъмиру навсозӣ карда мешаванд. Соли 2017, ки соли ҷавонон эълон шудааст, ҷавонписарону ҷавондухтарон дар корҳои созандагию бунёдкории қаламрави ҷамоат саҳми арзанда мегузоранд. Ҷавонон дар рӯзҳои Наврӯзӣ ба ҳашар баромада каналу ҷӯйборҳои деҳаҳоро тоза карда гулу гулбуттаҳо ва ниҳолҳои сояафкану мевадиҳанда мешинонанд.

Ҳоким Сафар.